وعليكم السلام ..

فكره رائعه ..

مشكوووره خوخو




ياقلب انا بلشت بك .. وين اوديك ؟؟
شيبت بي ياقلب .. من صغر سنــــي

اسعى وراك .. وخيب الله مساعيـــــك
من طيبتك .. ماشفت .. غير الهبني

ياكثر ماتجـني .. عليـــه هقاويــــــك
من حسن ظنك .. بالبشر ساء ظني

اعطيك غيري .. لجل مايحتفظ فيـــك
وترجع تقول : اللي خذاني طعني ..!!

طيب شسوي بك .. ؟.. وهذي امانيك
اللي جرالك منك .. ماهـــوب منـــــــي

تسد باب .. وتنتفح لك .. شبابيـــــك
وكل ماتهزك عاصفــــه .. تمـــتحنـــي

بلشت بك .. بلشـة هل الديك ، بالديك
اللي بغى يذّن .. وصبّح يغني ..!!

تسري ورى النية ( واتولِي ) مساريك
حتى قتل صبحــــــــك ( ظــلام التبني )

الى هنا وآقول ..( بسّك ) .. ويكفيك
رد الكلام .. ووصـــل العلـــم عنـــــي

ماني تبع هذي ، ولاني تبـــع ذيــــــك
لاجا الصحيح ...أثنينهـــــن يتبعــــني