يا أختي أنشبي بحلقها أنتي الداخله وهي الطالعه وجع بهالأشكال << عصبت
ماعليتس منها لا تسمحين لأي مخلوق كائناً من كان يسبب ربكة في حياتس و أخر زمن تجي ذي و تهدد بالسحر حسبي الله عليهن و لا يربحهن اللي ما يخافن الله

ألزم ما عليتس أبو العيال و العيال و هي خليها تطق راسها بأكبر جدار بديرتكم لا تضعفين نفستس بقولتس أنا يتيمه الله يخلي لتس عيالتس عزتس و سندتس بهالدنيا و لا تستسلمين لكيد الحريم كيدهن زي الشياطين
و لا يحيق المكر السيئ إلا بأهله مثل مالله قاله بكتابه سبحانه و بيطيح فوق راسه هالسحر

لا تشوفينه و لا تدخل بيتس هالجنيه يمكن تغافلتس و تاخذ من أثركم شي ويمكن تبكبك عند الزوج عشان تقابلتس و تحايل عليه و هو يا غافل لك الله صيري ذهينه و حريصه

و الله يخلي الهيئه لو زودتها معتس برسايل التخلف حقه بلغيهم وش الإجراء و يعلمونتس

إن لم تكن ذئباً أكلتك الذئاب

خشي بعينه و لا عليتس من أحد و خوذيه من الثانيه تحسب نفسه دلوعه كم دمعه و الزوج مخفه يطرطع الدنيا عشانه لا تخلين لها عليتس ممسك أمشي عدل يحتار عدوك فيك


قسم بالله ياني منقهره من هالأشكال