المشاركة الأصلية كتبت بواسطة نبوضه

السلام عليكم
أنا باكتب لكم اللي شفته
طبعا انا رحت أشوف المكان في بداية السراه أسالي و راح يدلونك عليه يمكن مسافه 3 دقايق
الأوراق المطلوبة
صورتين من كرت العائلة مع الأصل للمطابقة
صورتين من وثيقة التخرج مع الأصل للمطابقة
الخبرات و الدورات الأصل مع صورتين لكل منها
ملفين شفافه
لأنهم راح يسوون لك ملفين فجيبي نسخة من كل شي
و كمان ورقة الحجز للموعد تكونين طابعتها و تجيبينها
أما السجل الاكاديمي طلبوه بالبدايه بعدين قالوا خلاص اللي عندها تمام و اللي ما عندها ما في مشكله بس خذوه احتياط








الأسئلة العامه جمعت لكم أغلبها و خلونا نتساعد بالأجوبه
طالبة حركتها زائدة اش تسوين معاها
من هم حكام المملكة
كم عدد سكان المملكة
عندك طالبة متمرة أش تسويين معاها
قابلتي طالبتك متبرجه في السوق و عرفتيها أش تصرفك معاها
لو عرضت عليك الإدارة تقبلينها و لا لا
لو مثلا عيناك في الفرشة او التهامات عادي عندك
كيف تتعاملين مع الفروق الفردية
كيف تحطين الأسئله ؟؟
لو عندكم بغرفة المعلمات معلمة متشائمة اش تسوين معاها
الإدارة المتسلطة كيف تتصرفين معاها
ماهي المعجزة الاولى
لماذا سمي البحر الميت بهذا الأسم
الأمانه العلمية كيف تؤدينها

الأقتصاد
سالوا عن أنواع الكعك
و ما هو الباترون هذا اللي اتذكره

العربي
سألوا عن الجناس و الطباق و السجع تعريفاتها
البدل انواعه و التوابع و المعارف ( المعرفه ما ادري فهمتم علي
يعني عناوين رئيسة انواعها

العلوم الإجتماعيه
سالوا نهر السين فين يقع؟؟
و كمان سألوا المملكة اين تقع بالنسبة لخط قرينتش ؟؟

الأنجليزي
سالو ليش تحبينها ؟؟
و اش فايدها ؟؟
ليه تخصصتي انجلش ؟؟
لو قابلتي طالبة دارسة برا كيف تستفيدين منها
طبعا سؤالبن بالأنجلش يا أهل اللغه و باقي الأسئلة زي اللي فوق بالعربي
و طبعا الإنجليزي اللي سووا المقابله ثنتين شفت وحددة منهم قمر و اخلاق

بنات الفيزياء
كانت الموجهه مشغوله او ماهي موجوده
بس سؤال واحد لو رحتي مكان بعيد عادي
و عندك دورة حاسب



و الدرجات مترفعه

و كمان يسالون تعرفين للحاسب و عندك دورة او لا للأغلب

اللي فهمته ان اهم شي شكلك و ثقتك بنفسك أما الباقي بس روتين

ما يهتموا الاجوبة بمقدار الثقة بالنفس

أهم شي ما تقولين هاه أو ما فهمت أو تهزين رجولك
و تروهم مررررررررره سهلين

و بعض البنات شافوا درجاتهم 97 و 99 98

فلا تخافون أبد

و قابلو البنات بالعبايات عادي إذا تسالون عن اللبس

و تعامل المشرفات و الإستقبال قمه


شي اخير الفحص الطبي بنفس اليوم تودينه لمستشفى السراه العام
و تكملين اوراقك بنفس اليوم و فيه بنات قالوا لهم لازم تراجعونا كل شوي


بنات تكفون ادعوا لي ربي يفرج همي و يثبتني على دينه و يتمم لي حفظ كتابه

موفقين يا رب

(( نبوضه ))

عادي انقلوا الموضوع بس أهم شي يدعون لي بتفريج الهم و الثبات ع الدين و حفظ القرآن