وعليكم السلااااااااااام ورحمة الله وبركااااااااااااااااته :-

ان شاء الله راح افيدك لانو الي بقوله لك من واقع تجربة لاني سبق وعملت مقابله وشتغلت بالشغله هذه ...

ابي منك دعوووة بظهر الغيب ...

اول حاجه والسؤؤؤال الدارج ..

تكلمي عن نفسك ....

تذكري أسمك وعمرك وموقع سكنك وشهاتك والخبره ان وجدت ...

متى تخرجتي !؟؟

لاصرتي خريجه قديمه مضى عليك سنتين او ثلاث بيقولك وين قضيتي هالسنووات ..

قولي بما نك فتاه ربة منزل ولا خياطه ولا أي حاجه تعمليها موب شرط وظيفة ..

وش تعرفي عن شركتنا وليش تبين تشتغلي بشركتنا ..

اطلعي غلى معلومات من الشركة متى بدت وش خدماتها وين وصلت

وبالنسبه ليه تشتغلي قولي اتمنى ان اكون ضمن فريق العمل لما تقدمه الشركة من امتياز وجوده بالخدمه والتطوير والتدريب والاهتمام بالموظف ..

وش تعرفي عن الكول سنتر !؟؟

هو عباره عن مركز اتصال أو مركز معلومات كامله يتواصل معها العميل من أي مكان بالعالم والهدف من وجودها :-

1- المحافظة على رضى العملاء.

2- المساهمة في رقي ودخل المنشأه .

3- تثميل الشركة على اكمل وجه .

طبعا بيقولك لاجالك عميل معصب يشتمك او يقولك كلام بذئ كيف التصرف معاه !!؟؟

راح تقولي بانك تتبعي سياسة الشركة وتنفذيها ...

وهم حاجه تقولي ماراح تعصبي لانو عميل والعميل يكون من واجبنا احترامه مهما صار ..

وحتمال يقولك وش نقاط ضعفك !؟؟

قولي له انك طويلة بال وعصابك باااردة

وحتمال يقول وش نقاط قوتك !!؟

قولي الصبر والنشااااط والتحدي

ليش نرشحك !!؟؟ وش الي يميزك عن المنافسين

قولي انك تملكي كل المقومات للعمل كالنشاط والصبر والطموح

وش مهارتك الي تملكيها !!؟

العمل تحث الضغط

العمل بروح الفريق

الرقي بالتعامل والانضباط

استخدام الحاسب الالي


ذكري مثال على العمل تحث الضغط ؟؟؟

العمل لساعات طويلة والعمل تحت ضغط نفسي من قبل العملاء ....


كم راتبك الي تتوقعينه !!؟؟؟

قولي راتب يخليني اعيش حياة كريمه

ون صمم انك تقولي رقم قولي اتوقع انه ماراح يقل عن 3000 ريال حسب اوامر ابونا بومتعب الي يحفظه ويطول بعمره ..

ركزي على هالاسئلة والاجابات وبحثي عن المعلومات الي قلتها لك !

وباذن الله راح تعديها

ملاحظات :-

لازم تكوني واثقه من نفسك لما تتحاوري معه اللجنه

اعملي تدريب على المقابله قدام امرايه او معك اختك تسألك وتجاوبي عشان لسانك يتعود ..

وهم حاجه تكوني راقية بالتعامل وسلوبك هادي ويكون عندك لغه المخاطبة والتحاور ..

ولاتاخذي وقت طويل للاجابه فكري شوي وجاوبي بكل ثقه وأي سؤال ماتعرفيه ماتعرفيه قولي حاليا ماتحضرني الاجابه او راح تتعلمي او تططوري معه العمل ..

هذه اكثر الاسئلة الي الي راح تطرح من واقع تجربة شخصية لمقابلات كثيره جدااااااا ...

دعوتك لي بالتوفيق وربي يسهل أموري بالوظيفة الي انتظرها