هذي وحده من الاحساء سوت مقابلة قسم دين ابندائي

الكشف يابنات بروح من بكرا مستشفى الملك فهد وانا صايمه

تدرون عاد ركزت علي بتخصصي الدين بس ولاحاسب ولا سياسه ولا اسئله سلوكيه

وطبعا اختكم جابت العيد اسئلتني مامعنى التجويد وماعرفت

وماهي انواع التلاوه قلت مجوده بالعربي ماعرفت

وقالت اشرحي كل مسلم مؤمن وليس كل مؤمن مسلم

قلت لها ان الايمان جزء من الاسلام والاسلام اعم

قالت اذن الاسلام ثم الايمان ثم وتبيني اكمل وعمك اصمخ ثم الاحسان

قالت وينك ماطورتي معلوماتك 15 سنه حرام عليك

قلت لها كنت بحماسي بس انتو ماعطيتوني فرصه تعبت وانا اسجل هع


قلت لها اسئليني باحكام النون الساكنه مثلا

قالت ماهي حروف الاظها قلت لها اخي هاك علما حازه غير خاسر وعددتهم

ماهي احكام النون الساكنه قلت لها الاظهار والاخفاء والادغام والاقلاب

قالت بس قلت ماتبين اقرا لك قران اطلع لك احكام قالت جبتيها لنفسك

وفتحت المصحف وقرات واعطتني مد مانوعه قلت جائز منفصل وفي اخر الايه لعلكم تتقون

مانوع المد هنا وماعرفت قلت لها طبيعي قالت وش اسمه قلت مد الوقف

قالت بذمتك فيه مد وقف قلت الصراحه لا وضحكنا

ومن ثم قالت قومي الغرفه الثانيه

وعبينا الاوراق واعطونا الكشف

الحين ضروري اسوي لي جواز الله يعين واسلمه مع الكشف

وبس وهذي ولادتي بالكامل يعني لاتخافون ابد

المقابله مجرد روتين بس يامعلمات والله