اقتباس: السلام عليكم بنات أنا عضوه جديدة ومعكم جاني تعيني في المجمعه وناويه ان شاء الله اروح وارجع في نفس اليوم وانا ماني حابه أخذ نقل مع مجموعه لانه بيكون متعب لي وراح ياخذ وقت وحابه اروح مع سواق خاص لكن احتاج يكون معي معلمتين ويكونون ساكنين في شرق الرياض وقريبن لحي الربوه مثل الريان او المنار او الروابي او السلام والأحياء القويبه وشكرا لكم. * هلا حياك الله أم عبودو والله يجعل هذي الوظيفة فاتحة خير لنا جميعا أنا من النسيم بشرق الرياض بحجز وياك بس بشرط أجلس جنب الباب أما السعر إن شاء الله ما نختلف فيه إذا كانت مدارسنا جنب بعض. ودي أعرف جنسية السواق لان الهندي ما يعرف يتصرف وخواف في المواقف الصعبة . ولا تنسون يا بنات أي وحده تسوي المقابلة تعلمنا بالآتي : 1ـ ما هو تخصصها ؟ 2ـ المرحلة التي تدرسها ( إبتدائي ـ متوسط ـ ثانوي ) 3 ـ الأسئلة التي وجهت لها في المقابلة . 4ـ الطلبات التي طلبوها منها . علشان يكون عند خواتها خلفية عن اللي راح يصير عند المقابلة وما يخافون اللهم صلي على سيدنا محمد وعلى آله وصحبه وسلم.