مرحبا صبايا....
اليوم كانت مطابقتي في سراة عبيدة .. والحمدلله الأمور عدت بسلام..
في البداية ندخل ونآخذ رقم ونموذج المقابلة الشخصية ,, وبعدين نروح نطابق الصور بالأصول بعد كذا نروح نآخذ نموذج طلب توظيف تكتبين فيه معلوماتك (اسمك...مؤهلك... خبراتك...الرغبات المكانية... ومسمى الوظيفة اللي بتترشحين عليها ... ومن هالأشياء).
بعد كذا تروحين للمقابلة اذا وصل رقمك..وممكن تسوين المقابلة وبعدها تعبين نموذج طلب التوظيف..
المقابلة كانت ميسرة ولله الحمد للجميع...يعني ماشفت وحدة طلعت وهي مو مرتاحة..
قبل تبدأ المشرفة بالأسئلة تخليك تعبين معلوماتك في نموذج المقابلة الشخصية..وبعدها تبدأ بالأسئلة:
اول سؤال عرفي بنفسك...
ثاني سؤال في التخصص : الدائرة ترسم في المستوى او الفراغ؟
جاوبت ترسم في المستوى... بعدين قالت واذا رسمتها في الفراغ وش تصير؟
انا فهيت شوي بس بعدين ركزت بسؤالها وتذكرت الأسئلة اللي اطلعت عليها وجاوبت..في الفراغ تصير كره..
وبعدين سألتني وش تسوين مع الطالبة المتمردة,, وكيف خبرتك بالحاسب,, و وش رايك بطاعة ولي الأمر؟
خلصت المقابلة ورحت آخذ ورقة الكشف الطبي ... وبعد مااخذتها اروح اكتب الرغبات المكانية اعطوني خمس قالوا رتبيها حسب الأقرب..
وبعد كذا تروحين ترتبين اوراقك .. طبعا تصورين كل ورقة من اوراقك نسختين وتحطينها في ملفين في كل ملف نسخة والترتيب يكون حسب الفهرس اللي هم يعطونك .. تحطين كل شي بملفك (البيانات اللي طبعناها من بوابة التكامل ..الهوية .. الوثيقة.. حسن السيرة والسلوك اذا موجودة.. السجل اكاديمي اذا موجود..وتحطين الخبرات والدورات .. ونموذج طلب التوظيف )..وتسلمينهم الملفات وتوقعين على ورقة انك خلصتي كل اجراءاتك...
وبعد كذا تروحين المستشفى وتعطينهم ورقة الكشف الطبي ويسوون لك الكشف..
وسلامتكم
الكلام منقول من وطن الشوق في منتديات العرب (المقابلات)