بسم الله الرحمن الرحيم
كيف حالكم
ادخل بالموضوع علشان اختصر
انا سلمكم الله جمعت نفسي طول السنوات الي مضت ولقيت ان في حصيلتي 15 الف ريال
وانا من النووع الي ما احب الفرفرة والمكاسر بالاسعار ووجع الراس
ففكرة اني افتح محل وتعبت وانا اجمع معلومات عن طبيعه سير المحلات
الى ان سخر لي الله افغاني خباز كنت اشتري منه خبز وطرى على بالي اسأله عن شغلته
قالي ان محله مهو ذاك الزباين الكثار
بس راح اقولكم المعلومات الي اخذتها
الدخل الشهري الصافي 4000 ريال من غير الاجار والاغراض طحين زيت الى أخره
الاجار 900 ريال شهريا سنويا ما يقارب 11 الف للمكان الجيد
اما الاماكن العادية فشهريا 800 ريال ما يقارب 10 آلاف سنويا
تكاليف المحل ما تتعدى 10 آلاف واذا كان مجهز من اول ما يحتاج 5000 ريال
فهاذا ما افادني فيه
قلت خلني اشوف صحة هاذا الكلام علشان اضمن النجاح ان شاء الله
فريت على كم محل نفس الكلام قالوه لي
بعدها رحت لمكاتب العقار وحصلت محل على شارع مدحوه لي رحت شفته المحل ممتاز الى نوع ما يعني يبي له تعديلات
الاجار سنوي 11 الف
جنبي بقالة ومحليين سباكه وبعدهم فوال
اما عن السجل التجاري ورخصه المحل والاستقدام باسم الوالده الله يحفظها هي الداعم الاول لي بعد الله
مشكلتي في العامل هل اني استقدم .. وكم تكلفه استقدام الباكستاني وراتبه كم
والا اجيب واحد من الشارع وهذا شي يخوفني
يا ليتكم تفيدوني بمسئلة العامل ..............................
مع خالص الشكر وآسف اذا اطلت عليكم