شوووف وانا واخووك

انت قلت مراسل بس ماحددت مراسل عسكري ولا مدني .. وكف راح يكون راتبها يعني يستاهل كل هالقروشه ذي ولاطفااس

انت قلت عندك واسطه والواسطه رتبته وكيل رقيب . يعني هو احد اقاربك صح اذا قريبك وتثق فيه زين على زين

اما اذا ماتعرفه فغريبه كيف تجرء وخش في وجهك وكلمك وجاب رقمك ..

بسالك كم سال ممكن انه اتعاطف معك وسجلك او انه قريب بالحاره عندكم

الوضع المادي عندكم كيف والبيت مستاجر ولالا


لان وانا اخوك فيه ناس لما يعرف احد بهالوضع ووهو بيده شي يسويه ممكن يعرض خدماته وممكن الله مسخره لك وبيخدمك


اما اذا الوضع زين المالي والسكن فاا امره غريب


اللي اعرفه ان الواحد يدورله واسطات ويخش فوجيهم مو هم


وبعدين اذا انت عارف نفسك انك زين وان نيتهم شينه مالك الا هالحل واجه اللي بيتوسطلك وتكلم معه على وضح النقا


قل وش المقابل من تسجيلي فالمباحث اذا قالك اني والله ابي اساعدك ولوجه الله بكذا جاك الفرج


قله عاد اجل شوف دام لوجه الله لاخلصت اوراقي منت بعاجز على تعييني بالرياض عند الوالد لانه يعتمد على ولايبيني اكون برى الرياض ..


وانت شوفلك ناس تعرفهم بالمباحث غير هالرجال واسال عنه ...


والله يوفقك وانا اخووووك


اما بالنسبه لاسئلتك



سؤالي هو : هل تتوقعو هالشى يصير يتوسطو للناس الحلوين ؟


ممكن لكل واحد مقصد ومنها


1 لوجه الله ودعائك ودعاء والدينك له

2 سمعه ومهايط ومنه

3 برشوه ونظام فيد واستفيد

4 قلبه تعلق بالزين ويبي يوظفه ويبيه يداوم عنده ومايفارقه واحلى تكحيل يوميا



سؤالي هو : هل اللي قبيلتوه السيد يعتبر شيعي ؟


السيد ترى موقبيله عائله اتوقع لان لو قبيله كان سمعنابها وتلقاهم مشهورين

بس المعروف ان هالعايله متواجده بالشرقيه

والظاهر ان اغلبهم شيعه

حساويه وانتم عارفين نظام الحساوي واجد عندهم البزرنجيه


لايكون بس اللي يتوسطلك هو عائلته السيد




سؤالي هو : هل هناك علاقه بكشف الحساب ؟



اللي اعرفه انهم يطلبون نموذج تحويل عشان يحولون لك الراتب مايطلبون كشف حساب ...؟؟؟




بالختام

اخوي انت فكر وشاور ابوك واقاربك عن الموضوع ...

ولا خااب من استشار وارجع لا اراء الاخوان هنا بالمنتدى

وصل استخاره ..


واذا قررت انك تدخل مووفق والله يكتب اللي فيه الخير

واذا مابغيت

اذا طولك زين فوووق 168 سم
وسليم النظر عندك

واذا هوايتك الداخليه
ادرس لك 6 شهور حاسب ولا تقنيه

تاخذ بها بامن المنشات اذا معك 6 شهور رتبتة جندي اول

واذا معك تقنيه تاخذ رتبة عريف ..

واذا طولك فوق 175 سم ومعك ثانوي سجل بامن السفارات لان 90 بالميه تعيينها بالرياض

واذا طولك 170 سم ادرس تقنيه وسجل بعدها امن السفارات وتاخذ عريف وتقدر تطلب انتداب برى السعوديه وراتبك دبل وخدمتك دبل هناك



والله يوفق الجميع ... وااسف على الاطاااله ..

عطنا خر اذا استجد شي بالموضوع تحيااتي