اليوم رحت مقابلة بصبيا صح زحمة
وفيه شوية فوضى بس الموظفات مره محترمات
اول مره ندخل على اللجنة اللي مكتوبة بموعد المقابلة
يرتبون لك اوراقك ويعطونك ورقة المقابلة بعدين تروحي تسوين
المقابلة ما سالوني غير سوال واحد بالتخصص تخصصي اجتماعيأت طبعا
باقي اﻻسئلة وش رايك بالربيع العربي وليش سمي بالربيع العربي
وش رايك بالمقولة اللي تقول ان الوﻻء للوطن والمليك واجب ديني
وكيف تنمين الوﻻء الوطني في الطالبة وكيف تتعاملين مع الطالبة
المتاخرة دراسيا. تقريبا كل اسئلة التخصصات زي كذا
بعدين نروح للجنة تكملين باقي اوراقك وترتبينها وﻻزم ملف اخضر
مو بلاستك انا ما جبت وعطتني وحده ما قصرت
بعدين رحت المستشفى وقالوا النتيجة تطلع اﻻثنين بس انا من الرياض
وما اقدر اقعد للاثنين ودبرتلي وحده تروح تسلمهم النتيجة
وبس هذا كل اللي صار عموما روحوا بدري يا بنات
ما يتقيدون بساعة المقابلة ومره زحمه يالله تخلصون
حبيت اعلمكم وش صار معي