اقتباس: المشاركة الأصلية كتبت بواسطة Dr.NoWay مسائكم وصباحكم تفائل وسرور مشاء الله تبارك الله اخذت وقت ونا امر على ردود الكل بصراحه من اول الموضوع الى ان جاء الوقت بصراحه لكي نتكلم بشفافيه اكبر شوي لأن الموضوع أصلا جرئ ويستاهل منا كل انواع الشفافيه والجراءه فى الطرح والجديه ومن الظروري كسر حواجز الخجل دخلنا حتى نوصل مع بعض لحل يرضي جميع الاطراف << أن شاء الله شي طبيعي جدا انه بعد فتره يعيش فيها الشباب والبنات مع بعض دخل " منتدى " ينشأء بين الطرفين نوع من التألف والأعجاب هذي حقيقه لا ينكرها شخص عاقل وبعدها ممكن هذا الشي مع الوقت يتحول الى "حب " كيف ...!!! أقولكم كيف << صبركم بالله ابو الشباب يعجب بأسلوب فلانه وبروقه وعذوبة ردودها والعكس فلانه تعجبت بأسلوب ابو الشباب وردوده الرنااانه وتلاقيها ماتت عند كلام ابو الشباب الرقيق العاطفي وابو الشباب تلقاه قلبه ذاب لما ردت عليه فلانه بنت فلان بكلمات تسحر ودور ابو الشباب وقتها تلقه روحه معلقه بخواطر وقصايد لفلانة أو العكس صحيح :: المهم :: شوي شوفو الي بيصير بين القلوب العذراء << متعوب عليها هل الكلمه طبعا بين ابو الشباب وفلانه << وش رايكم نعطيهم اسم ولا اقول سموهم بكيفكم مالى دخل شوي الله يطول فى أعماركم قولو امين يبداء مشوارصناديق الرسايل الخاصه تبداء " تولع نار من رسايل الرومانسيه والحب والغزل والهيام وتبداء تزيد حرارة الحب لتحرق صندوق الرسايل فتتحول للماسنجرات << تقنيه عاليه وشوي تطور الحكايه للجوالات وسهر آخر الليل << اللهم لا حسد الحب من الله :: المهم :: خلونا نشوف اخر الرومنسيه والحب بعد كم يوم تسجل دخول فلانه علشان تشوف ابو الشباب الي يحبها ومشاركاته ومن يوم تطيح عيونها وتشوف ردوده على البنات حلوة ولسانه ينقط عسل مع هذه البنت وهذه البنت تبداء الانبيرات توصل الفل والضغط يرتفع وتزيد نسبة الملوحه في الدم وتنقز تجري على الماسنجر تفتحه لعل وعسى ابو الشباب يكون متصل بس ولو مكان متصل" مصيبه تبداء عاد ترسل له رسال خاصه أو تكلمه بالجوال و تقول له فيها " أحضر الآن عاجلا أم أجلا أنا انتظرك حيا او ميتا يجيها ابو الشباب << على المسن طبعا لا يورح بالكم بعيد المهم تلاقي ابو الشباب يدخل جري ترك أشغاله وده يعرف وشو الحاصل تبداء "المحقق كونان" صاحبة الحسن والجمال في استجواب ابو الشباب س سؤال : مين فلانه وش الي بينك وبينها من متى تعرفها وليه تكلمها بهل الطريقه الناعمه معجب جدا حضرتك برد فلانة ؟؟ << كل هذا السؤال الاول بس تيبداء ابو الشباب يدافع ويفهمها انه ما قصده شيء وانه برئ مجرد ردود ولا أكثر ويحلف لها وهي ابدا NO Way " مستحيل تصدق وتصرخ فيه يالعاب يالكذاب وش قصدك قعد تتسله فيه وفى أحاسيسي وعواطفي وفي مشاعرى ابو الشباب يحلف ويحلف لما الولد حلف مليون مره وما فيه فايدة ماهي مصدقة ابداااااا << والمشكله ترى يصير العكس اوقات ابو الشباب يستجوب وفلانه هي الى تحلف طبعا وش يصير بعدها اقولكم وش يصير << فاااضي لكم اليوم انا << احلف طبعا الحب يتحول فجئه الى كراهيه عمياء وتفتح مواضيع " لتصفيت الحسابات وتبداء المعارك الضروس الفتاكه وطبعا الردود تقلب من سهام الحب الى سهام ونبال ومنجنيق << الكواسر حشا كل رد بينهم فيه دقه من بين السطور" حرب بارده " وبداء يطعن في مشاركتها وهي العكس هي تنقص فى أسلوبه وهو يبداء بالعكس ينقص فى أسلوبها . تبداء تتسع الدائره تروح تدور على فلانه الى مدح فيها وهاتك على عينك يتاجر ترصد ومكايد وهو نفس الشي يترصد ومكايد . ويجوك الفزيعه << هذول ول ول ول ول ابوالشباب نشب لها زي الشوكه << هذى سامعها بنفسي قلت ليه متعرف على سمكه ونتقل وتتوسع دائرة الحرب البارده ليه فلان رد كلمتين تطيب خاطر حبيبته والعكس من فلانه وتبداء التحذيرات والتنبيهات ويزيد الكلام من وراء الظهر وشوي يوصلون في الكلام فى الاعراض وعلى عينك يا تاجر وفجائه تلاقي " أهل الحب والرومنسيه والعشق تركين المنتدى والسبب طبعا الى حصل بينهم لان مشاعرهم انجرحت وتكلم الى يسوه ولى ميسوه احسن فكه من جحا غنيمه لا وأزيد بعد الله لا يدر الغلا ولا كياله :: المهم :: حاولت اكون اكثر شفافيه في الطرح لان الشق اكبر من الرقعه خلونا نفتح قلوبنا من جديد بدون غمز ولمز بينا " وفى النور " للمنتدى رساله ولكل واحد فينا هدف جينا هنا في خير واجتمعنا في خير وبأذن الله نفترق على خير لا غالب ولا مغلوب هي أقلام ياتسجل لنا او علينا والبيب بلاشارة يفهو :: ملاحظه أخيره أكرر شكري لكل الاقلام التي سبقتني فهي أقلام واعده أستبشر منها الخير الكثير والشكر موصول الى الاخ البعد الخامس على أتاحت الفرصه للجميع للمشاركه فى نقاش وطرح الحلول المناسبه للقضاء على هذه الظاهره التي نتمنى لها الزوال عااجلا غير أجل بتكاتف الجميع بأذن الله اسف على الاطاله وتأمنياتي القلبيه بأن يدوم الحب والمعزه والاحترام والتقدير بين الجميع وبالتوفيق جميل ماكتبت بشافافيه اتوقع ان في سؤال لازم ينسئل لكل محب وعاشق قبل مايخوضو ضمار الحب والعشق السؤال ماهو غريب وهوكفيل بالتهذيب والاستيقاظ؟ كيف لو كنت احدى اخواتك ؟؟ شكرا لك البعد الخامس