أخ صالح.

أول شي جزاك الله ألف خير على اللي جالس تسويه ، هذا ان دل فهو يدل على طيب أصلك.

ثانياً عندي كذا سؤال ،

- جتني رسالة على الجوال فيها موعد مقابلة يوم 25 يونيو " اللي هو الشهر الجاي " ، هل هذا طبيعي يعطوني موعد بعد شهر ولا هم غلطانين؟ هالفقرة موترتني شوي :$
- إش هي إجراءات القبول؟ اختبار إنجليزي بعدين مقابلة شخصية بعدين فحص طبي؟ وكم المدة الزمنية اللي بينهم؟
- الحمد لله أنا الإنجليزي عندي تمام ، درجتي في الثانوية العامة في الإنجليزي مفروض تكون 100 من 100 بس تشاكلت مع الأستاذ وقتها وخصم علي 8 درجات.. بالعربي مكتوب في الشهادة 92 ، هل تتوقع يكون في مجال أسوي اختبار وأعدي السنة الأولى حقة الإنجليزي؟
- بالنسبة للتخصصات.. هل انت تختار التخصص اللي تبيه ولا هم يختارون لك على حسب قدراتك؟ أتذكر اني قد قريت سالفة انهم هم اللي يختارو تخصصك. واش هي التخصصات اللي تدرسونها؟
- نفترض ان فلان من الناس درس في البرنامج هذا وخلص دراسة ووقع عقد مع شركة متقاولة مع سابك ، لما يخلص عقد الشركة.. اش يصير في فلان؟ هل ينتقل إجباري مع الشركة أو يتم فصله وصرف مستحقاته؟
- اش الشهادة اللي تاخذها بعد ما تخلص البرنامج التدريبي؟ دبلوم؟

ويعطيك ربي ألف عافية.