اقتباس:
المشاركة الأصلية كتبت بواسطة فتاة خجوله
معليش لاتزعلون من كلامي بصراحه قليل اذا فيه رجال بهالزمن ينعدون على الاصابع
اكثرهم اشباه رجال راعيين مخدرات وسفريات ومغازل غير اسلوبهم الهمجي مع المراه وعدم احترام لمشاعرها هذا شي الاحظه بمجتمعنا
على غلطه صغيره يطلق زوجته ويتزوج عليها حسبي الله على هالنوعيه
والله مافي احلى من الحريه بعيد عن تحكم وسلطة الزوج
بس حلم كل فتاة تكون ام يكون لها اطفال ينفعونها اذا اكبرت اما الزوج بكل سهوله يستغنى عنها ويدور غيرها
بصراحه حقوق الزوجه دائما مهضومه حتى لو هي ماكانت مقصره معه وتحاول تراضيه وماتزعله بس مايبين بعينه ابد
الله يعوضنا الجنه ان شاء الله
وشكرا على الموضوع لاانكر انه فيه زوجات مقصرات مع ازواجهن لكن مو كلهن
فيه اللي مغلوبه على امرها وشايف الويل من زوجها
شكرا لك
|
ما أنكر كلامك يا فتاة خجوله فعلاً فيه رجال ما يخافون الله عز وجل و فعلاً فيه رجال المجتمع يعاني منهم بصراحه وهو ليسوا مؤهلين من وجهة نظري للزواج و تحمل المسؤوليه لأن المخدرات أذهبت بعقولهم و أرواحهم .. و الله يهدينا و إياهم إن شاء الله ........
و على فكرا مو بشرط إنهم يكونوا كذا لأن فيه رجال هم لاهم تبع مخدرات ولا هم تبع سفريات و مغازل و لكنهم للأسف ينظرون للمرأة أنها محط للذل و الهوان و الضرب و التجريح الجسدي و المعنوي و النفسي و هؤلاء للأسف يعانون من مشاكل نفسية و لكنهم في حقيقة الأمر ينكرون هالشيء
عموماً : نصيحية من الغازي لك يا فتاة خجوله ...
حاولي إنك تغيرين من نظرتك للرجال ترى الدنيا لازالت بخير إن شاء الله برغم كل اللي شافته عيونك ترى عيونك ماشافت إلا اللي حولك و عقلك أستنتج اللي شافته عيونك ترى فيه رجال صالحين و أكفاء بإذن الرحمن و لكن ممكن عيونك ماقد شافتهم في المحيط أو المجتمع اللي إنت فيه أو إذنك ما قد سمعت فيهم فلذلك صار عندك إنطباع شبه مقطوع الأمل إن ما عاد فيه رجال فيهم الخير و هذا تصور خاطيء ... حاولي بقدر المستطاع إن تكثري من الدعاء في جوف الليل إن الله يرزقك و يرزق بنات المسلمين بالأزواج الصالحين اللي يخافون الله في بنات الناس و يقدرونهم و يحبونهم و إن الله يصرف عنك و عن بنات المسلمين كل رجل خبيث يضمر الشر لبنات خلق الله ... حاولي إنك تعرفين اللي حولك من الناس و الجيران إن يفضل الرجل اللي مستواه العقلي و الثقافي و الديني وهو الأهم يكون في مستوى ما ترغبينه
و الله يوفقنا و إياك لكل خير إن شاء الله
و بالتوفيق