تيب ياحلوين اولا جمعه مباركه علينا وعليكم جميعا
ثانيا الختبار كان حلووووو مرررره
وزي مافادوكم البنات والاولاد انو كلو اختياري
ومقسمه الاسئله لـ 7 أجزاء
تيب .... بالنسبه للي تسأل في أولاد جوا في القاعه
ايوا في رجال بس من مو يختبروا معانا اللي كان موجود مدير الموارد البشريه اسمو ماجد
والقى علينا كلمه وجاوب على استفساراتنا
وكمان بشرنا وقال انو اللي ماحينقبل في هذه الوظيفه قبل رمضان بإذن الله حيكون في
500 وظيفه شاغره عندهم في نفس الوزارة وفي كل المجالات
والمتقدمات واللي اختبروا قالنا انو حيختاروا الممتازات وبعدين يعملو معاهم مقابلات شخصيه وبعد كيدا يحددوا ال3 بنات اللي حيشتغلوا
اممممم ..... وقال حيعلنوا عن القبول قبل رمضان بعون الله

تيب نيجي للأسئلة
1- الاسئلة الشخصيه:
مؤهلك... تقديرك... عمرك يتراوح مابين كم وكم .... سبب اختيارك للوظيفه...(اجابتي كانت لتطوير الذات وكيدا ) واسئلة كتيره وسهله ووالله ماتحتاج تفكير اصلا لانو عنكم انتو وطموحاتكم انتو يعني المفروض انتو تعرفوا ايش تبوا فحياتكم هههههه ولا لا تختبروا
2- الاسئلة الحسابيه الرياضيات:
للأمانه وبصراحه كانت تقهررر مدري هذا رأيي الشخصي والله ماتلحقي تحسبي لأن في رهبه من اساسو وفي السؤال الاول حق سمير بياخود ضعف مابياخود احمد واحمد بياخود 8 ريالات وبهير مدري ايسش قلعتو هههههههه (بهير دي من عندي )
عموما الاسئله الحسابيه كلها كانت بالنسبالي شختك بختك هههههههههه
لا والقهر التاني السؤال طوووووووييييييييييييل وعبال ماتركبي السؤال عالاجابة قيدوا جا السلايد اللي بعدوا قهرررر
3- الاسئلة الانجليزيه
كانت 10 ولزيزه وخفيفه وسهله كانت عباره عن جمل وفيها فراغات وتختاري اجابه صحيحه وتحطيها فغي الفراغ( ... Dose .. dose'nt ..do .. well .. is...at ) ( must....used)
بالمختصر كلها قواعد وسهله مررررره
4- الاسئله اللغوية
برضو لزيزه كلمه ومرادفها زي:
شمس : شعاع (تشبه) قمر ...... الاجابه ضياء
نباح الكلب (تشبه) ..... الجمل والخيارات تحتها خوار- عوار-ئغاء
وعلى هذا المنوال
5- الاسئله الكمبيوتريه هههههههههه
عباره عن :
عند اختيارك لأمر فتح ملف ونحتها خيارات واختاري الشكل
كلها صور
عند طباعة ملف
عند حفظ ملف
عند تصيحيح الاخطاء
عند ترتيب الارقام افقي مدري ايش قلعتو
عند تغيير لون الكتابه
وكلها زي كيدا
6- الاسئله التخصصيه
يبالها تركيز وادخلوا على نظام مكتب العمل والعمال السعودي الجديد واقرؤا
عن التفتيش فقط حتلاقوه اخر شيء
ماني فاكره بصراحه نص الاسئله ولكن حقولها بالعامي كيدا
اذا واجهتك مشكله في مكان العمل ايش تعملي وفيه خيارات
تشوفي احد ليه خبره في الحياه ولا تشوفي احد كبير في السن ولا تشاركيها مع زميلاتك وكيدا

اذا تم الاعلان عن وظايف في منطقه معينه مين الأولى
سكان نفس المنطقه ولا المواطنين بصفه عامع ولا غير السعوديين اعتقد كانت هادي الخيارات

المفتش يقدر يدخل استراحه النساء يفتشها
المفتش يقدر يتطلع على ميزانية الشركة
المفتش حلو لو كان له صله بالمنشأه اللي رايح يفتشها
المفتش يقدر يروح يفتش بتنسيق مسبق ولا بدون انذار وفي خيارات تانيه
المفتش لمن يروح يفتش لازم يتلطف مع اللي رايح يفتشهم ولا يكون صارم حازم
وفي اسئله عن علاقتكم بزملائكم في العمل عن التعاون وما التعاوت
وفي سؤال عن لو كان عندي شغل كتير ايش اخلص الاول الاسهل ولا الاصعب ولا حسب الاهمية
المفتش لمنن يضبط مخالفه يقرر هوا العقاب ولا يرجع للادارة حقتو وكيدا
وفي سؤال عن الهيئة الابتدائيه والهيئة العليا لفض الخلافات وديوان المظالم
وفي سؤال عن السريه
وفي سؤال من ضمن اختياراتو ازا كان المفتش جديد عن المنطقه
ولمن يروح المفتش يفتش يروح واحد بس ولا مجموعه يقررها مدير التفتيش ماني فاكره مررره بس زي كيدا تقريبا
وترى اسئله كتيره صعب افتكرها بالنص
بس ترى هادي الاسئله اللي كتبتها اعتقد في بعضها جا منها صح وخطأ
7- صح وخطأ وعددها 10
-يجوز ان يتصف المفتش بالحياديه
- يمكن للمفتش الاطلاع على جميع الدفاتر والسجلات والوثائق الأخرى اللازمة الاحتفاظ بها طبقاً لأحكام هذا النظام والقرارات الصادرة بمقتضاه ، والحصول على صور ومستخرجات منها.
- وفي سؤال عن العمال ياخود اجازه قبل ولا بعد ولا ياخود راتب ازا راحت عليه اجازة اليوم الوطني
وهادا اظن كان في الخيارات
- المفتش لمن يروح يقدر ياخد عينه وممكن يروح معاهم اختصاصيين وكيدا
- وفي سؤال عن ازا كانت الشركة لها اكثر من مدير وفي شكوه ضدهم مين اللي يتمثل امامهم اللي له خبره في الادارة ولا ولا ولا هادا كان اختياري


هادا اللي افتكروا ولو افتكرت شي جديد حبلغكم
الله يوفقكم جميعا ويسهلكم في الاختبار
قولو اميييييييييييييييييييييييييييييييين