خواتي رحت للمقابله امس وحابه افيدكم باللي صار معي مرتبه و ع شكل نقاط
1- مطابقة اوراقك واحضار ملف علاقي لازم لازم لازم لانهم رجعوا بنات يشترونه وطلبوا من بعض البنات شهادة حسن سيرة وسلوك وصور لجميع اوراقك يعطونك رقم طبعا لازم تاخذين حجزك بعدها تدخلين لمطابقة الاوراق والموظفات يختمون عليها انها طبق الاصل ويعطونك ورقه للمقابله في الدور الثاني
2- تطلعين للمقابله غرفه كبيرة فيها 7 موظفات وكل موظفه تقابل مع طالبه يعني بشكل عشوائي وفوضى شوي
انا تخصصي علم اجتماع
اسئلتني الموظفه عن :
كيف تنمين حب الوطن؟
طرق التدريس؟
كيف تتعاملين مع الطالبه الضعيفه؟
كيف تتعاملين مع طالبه مشاغبه ؟هذا اسالوه وحدة من المرشحات
وش بتقدمين بمهنة التدريس؟
وش يخدمنا فيه علم الاجتماع؟
طبعا الاسئلة سريعة ولا تاخذ وقت ابدااااا
3-تاخذين ورقة الكشف الطبي وتروحين للمستشفى المحوله له تكشفين
4- الكشف الطبي خرابيط يوقعون بالورقه سليم سليم وانت ماشيه
ومستشفى الملك خالد رفض استقبالنا وقال روحوا لمستشفى حائل العام لكن الرجال اقصد المحارم ماقصروا الزموا المدير انه يمشي امورنا ويختم لنا يعني غصب بس تعبنا شوي بين العيادات لكن اللي راحوا لمستشفى حايل بسرعه خلصوا ماشاءالله
5- ترجعين للادارة وتعطينهم ورقة الكشف وتاخذين ورقه تحديد المناطق هم معطينك اياها وتحددينها ع حسب رغباتك
6- اخر مرحله تكتبين اوراق واذا عندك خبرة ارفقيها بالملف عشان تحسب لك وعلميهم من البداية
ملاحظات
الموظفات قمه في الروعه والكرم وخفة الدم حببونا بالديرة واهلها
يغلب ع التقديم الفوضى يعني لاتشيلون هم الامور تساهيل ان شاءالله
اذا استفدتي من ردي لاتنسيني من دعاك بصلاح النية والذرية
وفق الله الجميع

منقووووووول