نصيحه لوجه الله لاتدخل الجيش
انا كنت في الجيش تسع سنين عملت في المنطقة الشمالية حفر الباطن ونقلوني للشمالية الغربية تبوك واخر شي قدمت استقالتي ورحت اقدم للامن العام قالوا مانقبلك انت عسكري سابق
الجيش ياخوك رواتبها ضعيفه والترقيات احلم تترقى
تخيل معك اكثر من 200 عسكري من نفس الرتبة تتنافسون للترقيه على رقم شاغر للرتبة الثانية
واسطات وظلم وحسد
ودوامهم يومياً قبل لاتشرق الشمس وانت واقف مع خوياك بالطابور في الميدان تقعدون ساعه تنتظرون الضباط متى ياصلون علشان ياخذون التعداد
كأنك في دوره عسكريه باقي ماتخرجت
مايرتاح في الجيش الا اللي عنده واسطه
والواسطه ماتدوم خذها مني شهر او شهرين ويتعين عندهم ضابط جديد يغير كل شي
نصيحه من محب وانا سجلت في المنتدى علشان ارد على موضوعك لاتدخل الجيش انساه
الامن العام احسن من الجيش الف مره
الجيش خارج المدن تروح تسافر كل يوم
والامن العام داخل المدن عند اهلك
حاول تسجل باي طريقة في الامن العام
وماشاء الله معك رخصه نقل ثقيل يقبلونك سائق في الدفاع المدني توصلهم لمكان الحريق بس مالك علاقه لا انقاذ ولا اطفاء والله ماعندهم شغل ورواتبهم ممتازه تشتغل يوم واحد تلعبون بلوت ويومين اجازه
وعندك المرور والشرطة والمباحث وامن الطرق والمخدرات والسجون وامن المنشآت
نائب وزير الداخلية الامير احمد بن عبدالعزيز قال : لامانع اذا كان فيه نقص بالطول او الوزن
والخبر موجود في صحيفة الاقتصادية:
( اضغط هنا )
اتمنى ان اكون قد افدتك