[align=center]بسم الله الرحمن الرحيم الموضوع للأخ سلماان منقول من منتدى بوابة الانترنت الرقميه<<يعطيه العافيه استفدت صراحه وشرحه كافي ووافي نبدى على بركة الله :- السلام عليكم ورحمة الله وبركاته أخواني \ اعضاء المنتدى الكريم لا يخفى عليكم أن هناك نخبة من الاعضاء الذين لهم بصمات في المنتدى ... وعندما قمت ببحث عن أغلب استفسارت الاعضاء ومشاكلهم وجدتها غالبا ماتتعلق بــ ebay .... لذلك أطرح بين يديكم مواضيع مميزة قمت بجمعها في موضوع واحد ... وعسى أن تنال رضاكم ... أبدأ بموضوع أخي العزيز DeathKnight بسم الله الرحمن الرحيم كيف الحال ياشباب ؟ شو الأخبار ؟ معليش والله من زمان ماسويتلي موضوع لأني إنشغلت في أمور كثير في العمل ومافضيت <<<<قصة حياته ترى الموضوع ضخم ونبغاكم تستحميلونا ممكن البعض يطفش لكن صدقوني اللي راح يقرأه راح يستفيد واجد المهم اليوم راح أكمل قصة كيفية الشراء من النت المرة هذي عندنا موقع eBayاللي كثير من الشباب يتخوفه منه مدري ليش مع إنه موقع صراحة ولا أحلى يمكن فيها خوف إذا عشان البائع يكون شخص واحد أقول في الغالب المفهوم هذا غلط لأنه أغلب الـPower seller في الموقع عبارة عن شركات أو مؤسسات كبيرة أو صغيرة يعني لها سجل تجاري ومو كلام فاضي, واللي يبغى يصير sellerلازم يخضع لشروط صارمه جدا عشان كذا دائم الـ Users المبتدأ دائما يحاول يكسب نقاط أو Positive point ولو على خسارة زي ماقلت بس عشان يكسب زباين. طيب نجي ألحين بعد إن شاء الله ما إقتنعنا إنه eBayمو شغل *** طبعا المتطلبات نفسها اللي في موضوعي السابق حق amazon اللي هي ماستركارد ولا فيزا أو بريد في أمريكا لكن هنا بعد الـSeller يكون التوصيل عنده عالمي يعني يمديه يوصل لأغلب دول العالم وممكن يوصل للسعودية ودائما تختلف أسعار الشحن من بائع إلى بائع لكن أنا دائما أفضل إنك تفتحلك بريد أمريكا وتخلي الشركة اللي أنت معاها توصلك إلى السعودية لأنه إذا خليت البائع هو اللي وصل الشحنه إلى السعودية مباشر ممكن تتأخر بشكل كبير يعني إلى أسبوعين أو شهر أحيانا وأنتم عارفين كيف تعامل البريد السعودي مع الشحنات اللي جاية من برة خصوصا طيب ألحين نبدأ عن كيفية طريقة التسجيل طبعا نفتح موقع eBay.com ونروح نسوي register http://img12.imageshack.us/img12/2457/ebayegg.jpg طيب ألحين ندخل البيانات زي العادة الإسم (طبعا حق البريد حقك ) وبياناتك حقت البريد من رمز المنطقة والعنوان وإسم الشارع وإسم المدينة وطبعا شئ مهم رقم التلفون يعني ممكن تجيب رقم تلفون أمريكي وتحطه لأنه إذا كانت بضاعة كبيروبسعر غالي ممكن البائع يدق عليك لكن أنا صراحة حطيت رقم فاكس حق شركة عشان مايطلع غير صوت فاكس ويراسلني على الإيميل وبعدين تنزل شوية بالماوس يخليك تختار الـusername والباسورد حقك وتاريخ ميلادك وسؤال إذا نسيت الباسورد وبعدين يخليك تدخل رقم موجود في الصورة زي أي موقع ثاني طيب هنا بس تدخل الكود وتسوي Register طيب هنا أخر خطوة في التسجيل في الموقع ألحين بيرسلك على الإيميل حقك رسالة عشان التأكيد طيب هذا الإيميل بس تضغط على active Now طيب ألحين لازم تسجل في موقع إسمه Paypal طريقة الموقع سهلة جدا وتضمن لك فلوسك والتحويل فيها سريع يعني أنا دائما أقول اللي يبغى يشتري أي شئ من النت يستخدم Paypal إذا كان الموقع يقبل وقد تم شرح الموقع في موضوع مستقل شوف الصورة الكلام اللي عليه ثلاثة مربعات حمراء يعني إنه أغلب الموجودين في الموقع يفضلون إستخدام Paypalممكن تضغط علىsign up for paypal إذا ماكنت مسجل فيه من قبلi طريقة الشرح والتسجيل في الموقع أنا ممكن أشرحها بس في واحد الله يجزاه خير AHMAD NCIS شرحها بالتفصيل وماقصر في منتدى التجارة الإلكترونيةهذي رابط الموضوع Press Here تم شرح الموقع في موضوع مستقل المهم بعد ما أنت سجلت في Paypalقفل الصفحة حقت الصورة اللي فوق خلاص وإفتح الموقع و سوي sign in في ebayوبعدين تروح من فوق my ebay وتختار summary طيب شوف ياتختار sign up إذا ماكنت مسجل يا أما تختار link My Paypal Account إذا كان عندك Accountفي paypalبما إني أنا عندي فبحط link My Paypal Account طيب ألحين بس تتدخل اليوزنيم والباسورد حق الـ Paypalوبعدين تحط Link your Account بعدين خلاص تقوله إرجع إلى ebay This image has been resized. Click this bar to view the full وكذا خلاص حطينا العنوان من بداية وحطينا طريقة الدفع كذا يمدينا نشتري من ebay طيب ألحين نجرب نشتري لعبة xbox360من الموقع (هنا راح يكون في شرح مفصل فأرجو القراءة بتمعن) نختار xbox360طبعا لاحظ مكتوب فوق platformGamesيعني ألعاب التصنيف حسب الجهاز طيب هنا بنشرح شرح مفصل للصفحة: 1-هذا يعني تشتريها على طول مافي مراهنا 2- هذا سعرها الحقيقي بدون مراهنه 3- هذا الوقت المتبقى عشان يخلص العرض 4-يدعم paypal 5- الشحن مجاني في بعضهم يكون الشحن بفلوس 6-هذا سعر المراهنه لأنه بجمبه رقم 7 مكتوب فيها 9 مسوين bidوطبعا متى يخلص العرض إذا إنتهى الوقت يعني شغل نذالة على بعض 7-عدد المسوين bid 8-حالة المنتج هذا زي الfilter يعني إنت بس تبغى الألعاب الجديدة تختار brand New تبغى لعبة بس مثلا مجربة مرة وحدة like newيعني زي مايقولوا أخو الجديد وهكذا الباقيين مفهومين very goodو good و acceptable طيب ألحين مثلا إخترنا Guitar Hero نجي هنا أيضا نشرح بتفصيل 1-هنا يعني خلاص إشتري الأن 2- إنه الشحن ببلاش ويستخدم USPS 3- هذي مهمة يعني إنه البائع معتمد من الموقع يعني مو نصاب أو ممكن كمان يكون شركة أو مؤسسة 4- عدد الناس اللي قيموه 5-نسبة الناس اللي قيموه ممتاز 6-هذا طبعا مهم تشوف حالة المنتج مكتوب تحتlike new وعشان تتأكد في العادة يكون كاتب صفحة طويلة عريضة تحت لازم تقرأها بتمعن عشان ماينصب عليك طيب قلنا خلاص نبغى نشترى اللعبة نحط buy it now بعدين نحط continue أو ممكن نزود عدد الكميات شوف كلمة quantityمكتوب عندها 1 ممكن أنت تبغى 2 أو 3 حط 2 أو 3 خلاص كذا أنت حط continue ولاحظ مكان المربع اللي له علاقة بالشحن مكتوب تحت المدة المتوقع فيها الشحن زي ماهو كاتب يوم واحد طيب أنت شريت اللعبة وخلصت لكن تبغى رقم التتبع طبعا في العادة نفس البائع يرسلك رسالة على الإيميل أو نفس الحساب حقك في ebayمثلا هذا رسالة من واحد مرسلي طبعا معاه الـtracking numberلو تلاحظ إنه Paypalاللي مرسها عن طريق البائع نفسه طبعا أنت وش تسوي عشان تتبع شحنتك تروح موقع USPS.com أو موقع UPS.com أو حسب اللي هو مختار البائع وتتدخل الـtracking number اللي أعطاك إياه البائع في الموقع ناخذ على سبيل المثال موقع USPS.com بعدين طبعا بعد ماتكون حطيت go تجيك تفاصيل شحنتك زي ماهو مبين في الصورة طيب ألحين خلينا نجرب حاجة ثانية نشتري حاجة عليها رهان أو Bidوبنفصل الصورة كالعادة 1-هنا أنت تحط رقم أكبر من الرقم حق الـStarting Bid عشان تقدر تجيبه وبعدين ممكن واحد يجي ويحط أكثر منك يعني مزاد 2-هذا لو تلاحظ البائع أنا مختاره بالعنية لأنه جديد هذا ممكن يكون متلاعب وممكن لا يعني لا تضمنه كثير لأنه مافي أحد قيموه أو أعطاه positive point 3-مكانه Hong kongوهذي لازم الواحد ينتبهلها قبل مايشتري 4-حالة البضاعة جديد يعني مغلفه طيب في العادة أغلب اللي من برى أمريكا يكون عندهم التوصيل Worldwideيعني على كل العالم لاحظ هذا عنده توصيل إلى السعودية وببلاش بالواحد يخاف على سوء التعامل حق البريد السعودي ولو أنت ضامن فماعندك مشكلة طيب في النهاية كذا أعتقد شرحت كل حاجة إلا اللهم حكاية إنه العنوان حقك يكون مكتوب عليه confirmedيعني موثوق وهذي تجيك إذا إشتريت كذا مرة على نفس العنوان ووصل له وكان كل شئ تمام يصير مافي خوف للبائع إنه يوصل البضاعة نوع من الحماية للبائع. طيب ياليت أكون أفدت الشعب بهذا الموضوع وأي وسؤال أو إستفسار بحول نفس الموقع أو Paypalفإحنا جاهزين وياليت لو عندي أي غلط تصلحوني وشكرا وأسفين على الإطاله وهذا موضوع أخي MKD السلام عليكم كيف الحال ياشباب بما ان كثير من الشباب صار يشتري من برا .... وخصوصا موقع Ebay حبيت اكتب لكم نصائح من ذهب .... ان شاء الله اذا طبقتوها راح تتجنبون الكثير من المشاكل اولا: اعرف انت قاعد تشتري وتتعامل مع مين: مثال: 1- صوره او شعار باور سيللر power seller اذا شفت الصوره هذي اعرف ان 90% من الخطر راح لان اي بياع باور سيلر مستحيل يفرط باي نقاط فييدباك لسببين: أ- شروط التقدم بطلب شعار باور سيلر صعبه ومن اهمها ان نقاطك ماتنزل عن 98% في اي حال من الاحوال ب- اذا صار البايع باور سيلر ياخذ مزايا حصريه رائعه من اي باي مثال: (ياخذ تخفيض من Ebay شهري على مبيعاته - دعم فني شامل - تخفيض على اجور الشحن .... الخ) يعني ان شاء الله بيحاول قدر المستطاع يحافظ على سمعته 2- انتبه للنقاط انتبه دائما لنقاط البايع .... لانها تمثل عدد عمليات البيع والشراء اللي قام بها تقدرتدخل على النقاط وتشيك وتقرأ افاده اللي اشتروا منه بالتفصيل الاسهم الحمراء: تمثل النقاط اللي اخذها خلال (شهر - 6 شهور - سنه) .... وهل كانت عمليه البيع او الشراء (ايجابه - عاديه - سلبيه) الاسهم الزرقاء: تمثل الافادات سواء كبائع او كمشتري او الثنتين معا والافادات اللي تركها للغير طبعا تقدر تدخل وتشيك عليها وحده وحده 3- انتبه للنسبه المؤيه للافادات: حاول قدر الامكان انك ماتاخذ من واحد نسبته اقل من 98% طبعا لازم تاخذ في الاعتبار ان النسبه المؤيه ماتكفي .... لازم تجمع مابين نقاطه الكليه وتاريخ التسجيل لانه لو بتناظر النسبه المؤيه بس بتروح فيها .... يجيك واحد توه مسجل ونقاطه 1 ونسبته 100% 4- تاريخ التسجيل في Ebay وموقع (مكان سكن) البائع: لازم تنتبه لتاريخ التسجيل لانه مهم جدا مثلا: دائما افضل بياع يكون مسجل من عام 2003 على بياع مسجل 2009 لانه اقدم ويكون مخضرم وعارف النظام وبالنسبه للمكان لازم تنتبه .... لان بعض المرات تشتري من واحد وماتدري الا مثلا طالع استرالي او من مكان بعيد ويصقعك بسعر شحن يحبه قلبك -------------------------------------------------------------- ثانيا: قبل لاتشتري دور زين اكثر من مره: هذي شخصيا صارت لي اكثر من مره .... مثلا لقيت مره عرض للعبه نادره وكان سعرها (مستعمل) 8 دولار اخذتها على بالي ان سعرها مناسب بعد يوم لقيت واحد يبيعها بقراطيسها جديده ب 3 دولار فعلشان كذا حاول قدر الامكان انك تدور على عروض ثانيه وتقارن بينها وتختار الافضل والارخص --------------------------------------------------------------------- ثالثا: اذا جيت تبحث استخدم طريقه البحث المطوره (البحث المتقدم) معروف ان البحث في Ebay متعب جدا لانك مهما بحثت ماراح يطلع لك كل النتايج مثلا انا اكثر من مره ابحث عن شي معين كل مره اغير عبارات في البحث تطلع لي نتايج جديده فافضل طريقه انك تختار البحث المتقدم هذي افضل طريقه بحث ممكنه في Ebay وتعطيك نتايج اشمل بعد ماتختار البحث المتقدم -------------------------------------------------------------------------------- رابعا: تأكد من وقت الدفع للبائع (مهم جدا جدا) هذي مهمه جدا لانها ممكن تسبب لك مشاكل في الغالب معظم البياعين يطالبون بالدفع في مده من 3 الى 7 ايام بعضهم خلال 24 ساعه (موسوس لول) بعضهم الدفع يكون علطول حالا (مريض لول) علشان كذا لازم تتأكد قبل ماتشتري وتتوهق انا ياما توهقت بسبه البنك الاهلي الرخيص بعض البياعين يكتب متى تدفع له في الوصف حق المنتج وبعض البياعين يكتب وقت الدفع تحت في اخر الصفحه بشكل غير واضح زي هذا البياع يتوقع الدفع خلال يومين ------------------------------------------------------------------------------------------- خامسا: تاكد ان البياع مايطلب حساب PAYPAL امريكي + ان العنوان يكون مؤكد بعض البياعين في اي باي يطلب ان يكون حساب المشتري في باي بال امريكي (علشان مايضطر يدفع رسوم للباي بال) لان في الحاله هذي ماتقدر تدفع له .... وفي النهايه راح يسويلك مشكله ويعطيك افاده سلبيه ولازم تتاكد كذلك ان البياع مايطلب عنوان PAYPAL مؤكد في الغالب البياعين اذا شافوا نقاطك ممتازه راح يمشونها وبعضهم يدقر على حسب لكن الافضل انك تاخذ من واحد مايمانع طبعا لا احد يسأل كيف يكون العنوان مؤكد لانه هذا الشي من اسرار الكون لول ---------------------------------------------------------------------------------------- سادسا: خلك ذيب لول هنا بحط بعض الحالات اللي ممكن تمر على اي واحد فينا 1- قدم عرض افضل بعض البياعين يحط لك خيار انك تقدم له عرض اقل من السعر المعروض في هذي الحاله تضغط على الخيار وتقدم عرض اقل وهنا بيصير سي من 3 اشياء: - انه يقبل عرضك - انه يرفض عرضك - انه يقم لك عرض عكسي .... مثلا: عرض الشراء في الصوره 58 انت قدمت 25 يرد عليك ب 35 وهكذا .... طبعا دايما اذا شفت تقديم عرض ادخل ملاحظه: اذا قدمت عرض للبائع 48 ساعه حتى يرد عليك والا تنتهي مده العرض ولازم تبدا من جديد في حاله قدمت عرض والبايع مارد عليك .... يعني مازال العرض ساري ممكن اي واحد يدخل وياخذ العرض بقيمته الحاليه .... فانتبه ------------------------------------------------------------------------------ 2- في حاله وجود خيار الشراء المباشر والمزايده في هذي الحاله انت بالخيار اما انك تاخذ العرض وتخلص الموضوع او انك تزايد وتدعي ربك ان ماحد يدخل معك ملاحظه: اذا دخل اي واحد في العرض واختار انه يزايد مايشتريها بيروح خيار انك تدفع مباشره ---------------------------------------------------------------------------- 3- لاعمرك ابدا تختار خيار المشاهده او مراقبه المنتج .... انك تحط عينك على شي Ebay عنده خدمه انك تراقب المنتج المعروض للبيع بحيث انه يسهل عليك انك تشوف الاشياء اللي ودك تشتريها بالقائمه الرئيسيه لكن الخدمه هذي بقدر ماهي ميزه الا انها سلبيه لان البياع يبان عنده انك انت حاط المنتج المعروض للبيع في قائمه المراقبه انا شخصيا صارت لي .... مره كان فيه واحد عارض لعبه للبيع (مزاد) يبدا من 30 دولار حطيت انا اخترت خيار مراقبه اللعبه يوم جا اليوم الاخير الا واتفاجا ان اللعبه ارتفع سعرها الى 50 دولار !!!!! البايع يقدر في اي وقت انه يعدل على العرض طالما ان مافيه احد دخل فيه فعلشان كذا افضل حل انك تحط رابط المنتج اللي تبيه في المفضله -------------------------------------------------------------------------------------- اخيرا واهم شي: خلك قناص كيف؟ مثلا انت تبي منتج معين .... خل نقول مثلا لعبه اوكي لاتدخل فيها وباقي لها 4 ايام .... هذا اكبر غلط ودايما يسونه المبتدئين ماتدري الا يوم خلص العرض والمنتج طاير منك .... او انه رفعوا عليك السعر علشان كذا اذا بغيت اي منتج لاتزايد الا علي اخر دقيقه لسببين: 1- انك ماتعطي فرصه للمزايد الحالي انه يضبط وضعه .... خلاص مابقى شي 2- ماترفع على نفسك السعر .... اذا حطيت قبل ساعه ممكن يجي اي واحد ويرفع عليك السعر حتى لو مااخذه ------------------------------------------------------------------ اسف على الاطاله في النهايه حبيت اني اقدم لكم بعض النصائح المهمه جدا لاي شخص يشتري من EBAY لعل ان شاء الله تنفع الجميع واي سؤال انا حاظر هذا الموضوع حصري للبوابه *يتبع -لحد يرد*[/align]