السلام عليكم ورحمة الله وبركاته بمااني ماشفت مقابلات واجد للحاسب قلت انزل ردي بموضوع مستقل عشان البنات يستفيدون[IMG]http://www.*******.com/uploadcenter/uploads/01-2012/PIC-785-1326541372.gif[/IMG] مقابلتي كانت بحفر الباطن توجهت للحفر من يوم الجمعة وموعد المقابلة يوم السبت الساعه 2 طبعا من القلق والتوتر والمكان متغير ماجاني نوم من الساعه 9 وانا قاعده ومن الحماس الزايد رحت للثانوية العاشرة من الساعه 12 والحمدلله اني متاخرت لان كان في توزيع للارقام وطلع رقمي بدري مو ملتزمين بالوقت اللي اخترناه تقريبا بدات المقابلات الساعة وحدة ونص اول شيء طابقوا الشهادات وبعدين المقابلة وبعد ماخلصنا نعبي اوراق عندهم بالاضاقة لورقة الرغبات المكانية واخر شيء نستلم الفحص الطبي وهم يحددون لك المستشفى واليوم ولا في مجال للتغيير او النقاش <<< حقدت عليهم ابي اخلص بسرعه وارجع لاهلي و ولدي حطوا لي يوم الاثنين بكره وهذي المقابلة طبعا هذا اللي اذكرة من التعب امس ماقدرت اكتب اي شيء انا تخصصي حاسب الي اول مادخلت اسالتني عرفي بنفسك وعرفت بنفسي ( الاسم - التخصص- سنة التخرج) بعدين اسالتني عن التخصص الدقيق واسالتني من وين قلت لها من الدمام قالت لا اقصد الكلية اللي تخرجتي منها طبعا جاوبتها كلية التربية بالجبيل قالت بما انه تخصصك تربوي اذكري لي انواع الاهداف السلوكية؟؟ (( هدف معرفي / هدف مهاري/ هدف وجداني)) وطلبت مني اكتب على ورقة هدف وجداني طبعا انا استغربت سالتها اكتب يعني من اي درس ابيه قالت اكتبي من اي درس عادي والحمدلله طلع معاي هدف وجداني بسرعه وكتبتها وعجبها وقالت ممتاز وطبعا حتى الاسئلة السابقة وانا اجاوبها تثني تقول ممتاز وبعدين اسالتني الفجول بيسك من لغات البرمجة باي مرحلة يتم تدريسه ؟؟ (( ثالث ثانوي)) انتي كمعلمة بتشرحين برنامج الفجول بيسك للطالبات كيف تبدين معاهم هالبرنامج كيف توضحين لهم فكرة برنامج الفجول بيسك؟؟؟ مايحتاج اجابة لهالسؤال تفلسفت فيه لما استانست وقالت ممتاز واسالتني لو عرضت عليك المديرة استخدام برنامج نور هل توافقين او ترفضين ؟؟ واسالتني كيف تتعاملين مع الطالبة كثيرة الغياب؟؟ واسالتني برنامج معالج النصوص " الوورد" اذا جيتي بتشرحينه للطالبات تقريبا 90 ٪ من الطالبات يعرفون كيف يستخدمونه كيف تتعاملين مع الطالبات بهالحاله؟؟؟ وطلبت مني افتح على الجهاز برنامج البوربوينت واصمم شريحتين ... تقريبا هذي كل الاسئلة اللي اسالوني فيها (( مع اني حاسه اني ناسيه كم سؤال )) اذا تذكرت كتبته لكم وترى اغلب البنات يطلعون مستانسين مافي شيء يخوف والحمدلله تم اليوم على خير [IMG]http://static.hawaacdn.com/images/**********/smilies/icon31.gif[/IMG] ^ منقــــول ..!