اقتباس:
المشاركة الأصلية كتبت بواسطة اللون السابع
ماشاءالله وربي يوفقك
انا بدخل ان شاءالله نفس المجال هذا وراح نفيد بعض يالغالي
الي عرفته من خلال جولاتي واسالتي
١ في البدايه خذ من جده ولازم تلاقي احد يجيب اغراض وتوصيه علشان يجيب لك وقبل لا يجيب يرسل الصور
ولقيت شخص يقول اروح للصين وممكن اوفر لك اذا تبي
٢ بالنسبه للعماله يكفيك ٢ واحد للصيانه ويفضل الفلبين وشغل برامج وبيع ورشح لي باكستاني وانت اكيد بتكون موجود ببعض الفترات
يياليت قدرت افيدك يالغالي بالي عرفته وممكن نتعاون ونساعد بعض على اي جديد ومفيد بالمشروع هذا
ممكن اخذ منك بعض الاستفسارات :
كم كلف عليك الديكور ومن وين وياليت صوره له علشان اخذ خلفيه
واذا عندك اشياء تفيد ي ليت تبلغني
|
اذا اخذت من جده رآح تكون بضاعتي مكرره لأي محل جمبي
انا ابي شيء جديد يتميز فيه المحل عن غيره من بضاعه
بالنسبه للديكور عندي محل ديكورات للوآلد رآح اسوي من عنده ديكورات المحل
والعآمل ودي والله بفلبيني بس وش السواة
كيف اجيب فلبيني فآهم ويعرف عربي
هل فيه مكآتب تقدم الشيء هذا لأني بطلع تأشيرته على المحل اللي عندي
بس ما ادري كيف اجيبه ذا الفلبيني
بالنسبه للي افيدك فيه ما ادري اذا راس مالك يساعدك ولا
اللي هو نظآم تقسيط أجهزة مآك وايفون وجآلكسي وبلآك بيري
تحط لوحه صغيره بالمحل ان يوجد عندك تقسيط
وتركن لك مبلغ معين للتقسيط
هذي هي الفكره الاضافيه اللي في بالي على المحل
اقتباس:
المشاركة الأصلية كتبت بواسطة al_waleeed
أول شئ الله يوفقكـ يارب
1- حسب المبلغ اللي بتشتري فيه ,,, سوق الصين ( جوانزو ) يعتمد على الكميه اللي بتاخذها ... يعني ممكن تاخذ شاحن بنص ريال وممكن نفس الشاحن ب10 هللات
إذا كان المبلغ اللي بتاخذ فيه من 5 آلاف وتحت أنصحك بإنك ما تسافر واإذا كنت معزم إطلع دبي .
2- مالي علم بالفيز ,, بس اللي أعرفه إن موضوع الفيز ماعاد هو زي الأول .. شوف لكـ معقب واصل وشغلك يضبط إن شاءا لله .
|
أكيد يالوليد ما راح اخذ بضاعه بخمسه الاف او اقل
بس جوانزو هذا يمكن يحشرني بكميات مو محتآجها انا
وهل بضاعتهم اللي بالصين عآليه من نآحية الجوده
ولا مش حآلك كفر ابو يومين أو شاحن ابو شحنه وحده فل وخلآص 
وعندي سؤال ايضا
وش فرق دبي عن الصين ؟
اقتباس:
المشاركة الأصلية كتبت بواسطة ابي احقق امنيتي
انصحك اخوي اول تبدا تاخذ من جدة
واذا توسعت ورزقك الله خذ من الامارات او الصين وهكذا
واعتقد اثنين بالمحل يكفون واحد صيانه مع جلبريك والثاني محاسب
موفق وربي يرزقك
|
نصيحتك على العين والرآس
لكن جده كنك يا غازي ما غزيت
المحلآت المنآفسه يملكون نفس البضاعه بالضبط لانهم يجيبون من جده
وانا يا اني ادخل بشي جديد ولا اقلبه محل فلافل اصرف
بالنسبه الى اثنين يكفون ما اعتقد لان الجيلبريك والسوفتوير يبيلها وآحد
والمحآسبه وبيع الاجهزه والتفاوض مع الزبون يبيله وآحد
والصيآنه والهاردوير ايضا يبيلهها وآحد بغرفته وعدته
بحآول بقد ما اقدر اني اجيب ثلاثه واذا ما قدرت بخليها على اثنين
اقتباس:
المشاركة الأصلية كتبت بواسطة الجآاار
بالنسبة للصيانة أبحث لك عن فليبني متخصص في الإلكترونيات
و المحاسبة سعودي و يفضل أن يكون لديه خلفية في الجل بريك و برمجة الجوالات
و كبداية جدة و دبي و المواقع الإلكترونية الموثوقة و إذا توسعت توجه للصين
|
بحآول في ابو فلبن لعلا وعسى نزرف لنا وآحد من الفلبين
وبالنسبه للسعودي رآح يتوآجد اخوي بالمحل بشكل يومي
بس المشكله انه ما يفهم بالبرمجه والجيلبريك
رآح يكون مآسك الحسآبات
وأنا افهم بالجيلبريك وعندي منتدى يختص بالايفون والجآلكسي والجديد فيه
وعآرف الطبخه عدل بس رآح اكون بعيد عن المحل كل البعد يعني ما راح اجيه الا بالاسبوع مره
بحكم ظروف عملي وسآكن حول وظيفتي مو عند اهلي والمحل واخوي عآطل ومتفرغ
هذا بما يخص العنصر السعودي بالمحل
الموآقع الالكترونيه يا ليت تعطيني مثآل يالطيب لأي موقع يخدم مجآلي