المشاركة الأصلية كتبت بواسطة مفحطة بكعب

مرحبا بنات
أبشركم اليوم رحت كلية الجبيل توني جاية من ساعتين تقريبا و الحمد لله الأمور تساهيل أول شئ سألت عن الإدارة دلوني إياها الله يجزاهم خير ماقصروا معي المهم رحت قالت السكرتيرة روحي المكتبة على طول قلت طيب أنا قالوا لي إن الختم هنا قبل قالت لا روحي المكتبة قبل المهم رحت إلا شفت كمن بنت جايين أسمع تخصصهم حاسب عطيتها اوراقي و طابقتهم بس ماختموهم لي مادري عادي بس فيهم ختم جامعتي اللي تخرجت منها و اللي استلمت الأوراق ماقالت لي شئ و عطتني رقم الطلب و قالت الإختبار الأسبوع الجاي يوم الأحد في القاعة الزرقاء و سألتها عن المراجع ووقت الإختبار قالت بتتحدد على الموقع
مادري بنات وربي من رجعت و أنا فرحانة مرة و كلمت أمي لأنها في الأحساء و أنا جاية عند اخوي في الدمام عشان التقديم و بشرتها و فرحت لي حيل مادري حاسة إن حلمي راح يتحقق
من كلمت امي و سكرت منها و أنا دموعي تغالبني تبي تنزل غصب
مادري أحس بإحساس مو عارفة أوصفه
يارب حقق لي كل اللي في بالي وربي من تخرجت و أنا من حال لحال لا حافز و لاجدارة و لحتى مدارس اهلية راضية تأخذني و لا زواج و لا أخت و لا سند و كله كلام تحطيم من حولي
الحمدلله على كل حال
إعذروني طولت بس محتاجة أحد أفضفضله
إدعولي بالتوفيق
و الله يرزق كل من تمنى الوظيفة و الرزق الحلال