المشاركة الأصلية كتبت بواسطة عذووووب

اخوي صدفني محل ما الله كاتب لك بتروح نصيبك ما تدري وين الله بيحطك

عسى ان تكرهو شيئا فهو خير لكم

انا زوجتي حصل معاها موقف وعانينا في حياتنا وهذا كله بفضل الله وبدعى الوالدين

ابتعثت زوجتي للدراسه في الخارج لدراسة الماجستر مختبرات طبية انا قدمت استقاله من عملي وقلت يالله اني ارجع ومعاي شهادة او على الاقل لغه في بداية الامر عانينا وتعبنا وخاصتنا في قبول الماجستير في امريكا وبالاخص التخصصات الطبية وعشنا في 3 ولايات والله تعبينا وغربة مرره تخيل 3 ولايات يعني كانك في ثلات دول وتعرف امريكا وكبرها من مساحتها لدرجة اننا ما لقينا حتى مساعدة من الحكومة وانتم سمعتم كثير عن مشاكل المبتعثين وفي الاخر جاها قبول في منطقة الله لا يوريك وهي الطالبة الوحيد الاجنبية مو السعودية فقط اجنبية والجامعه في مدينة كانك داخل تل ابيب كلهم يهود من الا يلبسوون بدل سوده والجامعه مسيحية عانت ومن العنصرية ومن اول ترم طردوها قبل لا نرجع قدمت لها في جامعه شقراء والله مجرد ما وصلنا بالسلامة لي مطار جدة وصلت لنا رساله على الجوال الاختبار الاسبوع المقبل واذا اجتزت الاختبار المقابلة الشخصية في اليوم الثاني سبحان الله الله عوضها خير شوف كيف مااحد يدري وين رزقه الحمدلله على كل شي الان مشاءالله معيدة في الجامعه واي مكان تجيك فيه وظيفة لا تقول والله بعيد هذا رزقك مكان ما يكون الله الا معطيك هو والله لا فلان ولا علان بي يمنعك