[align=center]هاذا رد في موضوع اخر ان شاء الله يفيدكم[/align]
لا اخوي انا بقولك من دخلنا عليهم وشسوينا بضبط والمسأله كلها سهله جدا جدا
اول ماجيناهم الساعه 6 ونص في مركز التجنيد في الناصريه دخلونا طابور ورا بعض
فيه ممرض يكون واقف عند الباب ومعاه ميزان حراره يحطه بالاذن ماتاخذ ثلاث ثواني وبعدها
يجي عسكري يوزع ارقام على الطابور كامل بعدها يجلسونكم على الكراسي وبالدور تمشون لحق الطول والوزن اهم شي تكون صادق في طولك مايهم الوزن تقريبأ لان وزني 66 وطول 183 الاهم اذا ختملك مطابق يقول اجلس على الكرسي ويصورك واذا حطلك غير مطابق قال الله يستر عليك بعدها تروح لحقين التطبيق معلوماتك وبعد ماتطبق معلوماتك وتكون كلها سليمه
تجلس على الكراسي شوي وينادونك تختبر اختبار تحرير طبعأ اسألتهم 
ماهو اول اركان من اركان الاسلام _وكم طول الامعاء الدقيقه_ماهو اسم البحر الاحمر سابقأ _ مما خلق ابليس _ من هو امير منطقة نجران او يقولك امير منطقة جيزان _ ماهو النقدين_ ماهي فوائد كريات الدم البيضاء _ ويمكن يسألك عن الحمراء _ ماهي الماده التي تتجمد بالحراره طبعأ البيض _تكلم بسطرين عن سبب التحاقك في الحرس الملكي طبعأ : سبب التحاق اولا خدمة الدين الاسلامي ثم المليك والوطن وان تكون سبب في مصدر رزقي طبعأ هاذا ناموذج بسيط عن الاختبار التحريري
بس للمعلوميه الاسئله التحريريه 4 اساله بس كلها سهله بعدها يقولك انتظر ويناديك بسمك
تدخل على اربع ضباط الي يسوي معاك المقابله رتبته عميد طبعا اول ماتدخل بيقولك كيف حالك
يافلان لانه سواها لاكثر من شخص بيشوف انت ترتبك ولا لا لاكن سولف معاه كانك تسولف مع
احد من خوياك بس بذوق ماهو تقول الله بليسك ومن هالسوالف ههههههههه نرجع لاسالته الي
مرت على ناس كثيييير وانا حفظة هالمعلومات عشان اوضح لكثير وياخذون احتياطاتهم
الاساله : متى توفى الملك فهد بن عبدالعزيز :::: متى تولى الملك عبدالله الحكم :::: متى توحدة المملكه العربيه السعوديه :::من هو وزير الداخليه :::: من هو النائب وزير الداخليه :::: منهو امير منطقة طبعأ الي انت مطلع احوالك منها او مولود فيها مثل لو كنت مولود بالرياض تقول صاحب السمو الملكي الامير سلمان بن عبدالعزيز ال سعود :::: من هو نائب امير منطقة الرياض :::: امير منطقة نجران :::: امير منطقة جيزان تراه وبعدها يقولك خلاص رح واليوم العصر راح توصلك رساله على جوالك اذا انقبلت بتوصلك الرساله تروح لمستوصف الحرس في حي المروج تسوي كشف طبي طبعأ تروح بلبس بنطلون اسود وفنيله بيضاء ومو مهم بيضاء ساده او اسود ساده بعدها تسوي الكشف الطبي يقولون تجي لمركز التجنيد لياقه الساعه 3 العصر تجي اول ماتدخل يجلسونكم على الكراسي لين تكتملون ويوجهونكم للميدان بعدين يقسمونكم مجموعات ويلبسونكم فنايل بارقام ويشرح لكم كيف تسوي البشم ويقول لازم تسويها صح ومطلوب عشرين ومادري ايش متهاونين كثيييييير يخليك تسوي اربع ولا خمس بس حاول تسويها زين وبعدها تسوي تمارين البطن نفس الحكايه بعدها تفر على الميدان لفتين بعدها تجلسون على الكراسي ويوزعون عليكم دفاتر خضر فيها معلومات عنكم ويشرحون لكم كل شي ويقولون بعدها ماتشوفون شر عاد انتم انتبهو للشرح وهاذي كل الحكايه طبعأ الاسئله والمعلومات جبتها متأكد منها ونا وولد خالي مرت علينا نفسس هالاشياء يعني ماهو الواحد
يقول انه راح يغيرون او يمكن يتكلم عن نفسه ومقابلته لا هو نفس الشي واكثر من شخص
اتمنى اني افدتكم جميعأ ::وبالتوفيق للجميع ::: ودعواتكم لي انقبل نهائي
<< تعبت اصابعه ههههههههه
للأمانة منقول: https://www.btalah.com/showthread.*****..#ixzz1w9dFhHb1