[align=center]:


السلام عليكم ورحمة الله وبركاته

مساااكم فل وورد وجوري

الحمدالله اليوم الاثنين 7-7-1433.. تمت مقابلتي على خير وكانت حلوة مع اني خبصت شوي في السؤال الثاني بس عادي

تخصصي طبعا رياض اطفال – ادارة مكة المكرمة

حضرت المقابلة من الساعه 8 وانا موعدي اساسا 12 الظهر

اول ما وصلت وقعت الحضور وبعدها اتجهت لطاوله فيها مجوموعة بنات والاستاذة تشرح لهم

كيف يعبون نماذج التعيين وطلبات التوظيف والرغبات وكيفية ترتيب الملف

وكان الوضع جدا مرتب ومريح الحمدالله .. كل مجموعه تخلص مطابقة الاوراق تطلع الدور الاول للمقابله

المهم خلصت وكل شي وطلعت ونادو ع اسمي ودخلت .. كان موجود مديرة الاشراف التربوي + مشرفة تخصصي رياض اطفال سلمت عليهم وانا مبتسمه ومرتاحه

اول سؤال .. تسحبين بطاقة من مجموعه من البطاقات وتجاوبين عليه تحريري

سؤالي كان .. اكتبي في شكل نقاط مختصرة كيف تنشئين علاقات ناجحه مع زملائك في العمل من نفس التخصص ؟

كتبت تقريبا خمس نقاط وتكتبين اسمك وتخصصك

بعدها سحبت بطاقة ثانيه وقالت لي مديرة الاشراف تكلمي عن نفسك وبعدها اقرئي السؤال وجاوبي ( الاجابه شوفي هنا )

عرفت بنفسي وبعدها قرأت االسؤال كان طويل ومكتوب كلام كثير وفي النهاية يسالك ماهي قيم ومبادئ الأمن الفكري؟

هوهذا السؤال اللي شوي خبصت فيه بس الحمدالله ..

بعدها سحبت بطاقة ثانيه فيها سؤال من نفس التخصص وهو كيف تنمين الاحترام والتقدير في نفس الطفل

وتناقشت فيه مع مشرفة التخصص وانتهيت ولله الحمدالله ..

يركزون على اللبس واللي لابسه عباية لازم تفصخ انتبهو البسو وتكشخو زين ..

واهم شي تكونين واثقة من نفسك وصوتك واضح ولا ترتبكين نهائي حتى لو ماعرفتي اجابة السؤال جاوبي بمعلومة لو بسيطة او قولي مامرت علي هذي المعلومه وبس ..

وفالكم وفالي المباشرة في مكان طيب وقريب من بيوتنا ياااااارب ،،،


:[/align]