اقتباس:
الله يسامحك ياخوي
هلت الدمعة على طاري الونيت وال 15000
احكي لك ذكريات وفوائد ومشاريع ماضية ومطابقة لامكانياتك
تعرف الان مقبلون على موسم مناسبات وزواجات
والغنم فيه رائجة وماشي سوقها
اذا تقدر تتفق مع مراح نظيف وتاخذ منه جملة تيوس او ذبايح او هرافى
وتجلبهن اما للحراج
او لمطاعم تتفق معهم وتصير متواصل معهم وتمشي على طلبهم وتهتم بالتوقيت والتبكير في مواعيد الجلب
ويكون خراجك سمح ومبارك
فلو جاك 30 على الراس نعمة وبركة
لانك اذا صرت سمحا معنى هذا ان اللي معك يمشي بسرعة
وتكسب زباين
وتكسب رضى وراحة راعي المراح لانك تمشي الغنم الي عنده فيكسب هو وتكسب انت
ويكسب من ياخذهن منك
لنفرض انك اخذت كبداية 10 هرافى من 950 ريال من راعي الحوش والمراح
تبيعهن بالسوق بمكسب عشرين الى ثلاثين في الراس
نعمة وبركة
واذا علاقتك حلوة مع راعي المراح تقول اذا ماحصلت احد يشتري مني الغنم راح ارجعهن يمرحن بالمراح ومن بكرة اوديهن للسوق ـ
او اذا ماوافق لأي سبب يفضل يكون عندك حوش متواضع تضع فيه حلالك
واعلم ان سوق الغنم مبروكة
ولكن بنفس الوقت قد تخسر في بعض الاوقات
فهو سوق يتعرض للعرض والطلب
والله يرعاك
ويصبرك
الغنم غنيمة
لمن صبر فقط
|
طيب اخوي الحارث وش رايك اذا رحت النعيريه او الحفر وجلبت تيوس او خرفان بالجمله وابيعها في اي سوق ثاني جمله بربح 30 ريال هل تتوقع انه شي ممتاز والا فيها خساره لي