مرحبا ياأخوات الحمد لله عملت المقابلة يوم الأحد تخصصي كيمياء كان موعدي الساعه 12 وصلت عندهم الساعه 10 واخذت رقم 30 لكن وانا جالسة انتظر سألت وحده من المشرفات عن لجنة العلوم ادا فاضيين قالت لي فاضيين ادخلي على طول والحمد لله الساعه 11 دخلت وكانوا مرة حبوبات الله يسعدهم سألوني مالفرق بين المركب والمخلوط ؟
وماهي صيغة نترات البوتاسيوم؟
واقرأي سورة الاخلاص؟
وقالوا عندك خبرات او دورات قلت اية عندي خبرة وعندي حاسب قالت ماهو البرنامج اللي نستخدمة للطباعة؟ قلت برنامج الوورد
قالت ماشاء الله ممتازة روحي الله يوفقك
قلت خلاص كذا انتهت المقابلة؟ قالت اية وجلست تضحك علي لأني كنت مهمومه وتوقعت يسألوني اسئلة صعبة وثقافية لكن الحمد لله بس
وبعدين المستشفى حولونا ع نجران العام بس بمواعيد عطوني موعد السبت بس قلت بأروح اليوم الثاني واجرب حظي لأني صعب استنى للسبت وصعب اني اسافر وارجع
المهم رحت والحمد لله قالوا اول شي نخلص اللي عندهم موعد بعدين انتم
وخلصت على الساعه 12 ونص
ونتيجه الكشف المستشفى يرسلوة بالبريد للادارة
والحمد لله على طول سافرت ووصلت بالسلامة وقلت اخبركم واطمنكم