السلام عليكم ورحمة الله وبركاته
مراحب ياصبايا
جيت اقولكم وش صار معاي بمقابلتي لأني استفدت منكم حيل ربي يوفقنا وياكم
طبعا مقابلتي صارت بمحايل عسير امس في المدرسه الرابعه الابتدائيه
موعدي كان الساع 11 بس من كثر مو خايفه رحت 7
والحمدلله كلهم كانوا حبوبات ومتعاونات وسألناهم عن المقابله قالوا لاتشيلون همها تراها روتين وحنا بنمشي الكل
المهم رتبنا اوراقنا بالملفات ومو لازم السجل الاكاديمي
ورحنا غرفه دققوا الأوراق بعدين رحنا غرفة المقابله وفيها 3 مشرفات 2 تربوي ووحده تخصص
كل وحده جالسه لحال
بالدور كل وحده تروح تجلس عند وحده من الي يسئلون تربوي وبالعربي طبعا
بعدين تروح عند مشرفة الانجليزي
طبعا الاسئله رووووعه كلها سوالف
التربوي تقولك عرفي عن نفسك وقولي كل شي
بعدين تسألك كيف تحببين الطالبات بالماده وكيف تكوني قدوه لهم وايش ناويه تسوين لاصرتي معلمه ان شاءالله
وكيف تتعاملين مع الطالبه الظعيفه ومن هالاسئله
بعدين اسئلة التخصص سألتني
وير ار يو فروم
هل درستي من قبل
كيف تشرحين الكونفرزيشن
وهذ السؤال سألته لكل مرشحه بس كل بنت نوع من الدروس
كيف تشرحين قرامر او فوكابلري او ريدنق او ليسننق
طبعاالجواب خليه بسيط ومناسب لأي نوع
يعني قولي اقرى بصوت عالي وواضح
استخدم جمل وصور او عرض بور بوينت
اسأل الطالبات
اخر شي اتأكد من فهمهم للدرس
وسألتني عن وسائل طرق التدريس
قلت بيكتشرز . فلاش كاردز. بريزينت بور بوينت اند ميبي شورت ستوري
وسألتكيف تتعاملين مع الشاي قيرل او الويك قيرل الطالبه الخجوله والضعيفه
وتكرر هالسؤال كمان علينا كلنا
وجاوبت انو احاول اشجعها عالمشاركه في الفصل
واضعها بجانب طالبه ممتازه
وسألت كمان اذا احتجتي مساعده في الدرس تطلبينهامن المعلمات او من الطالبات
جاوبت كلهم اول اوف ذيم
تقريبا هذي هي الاسئله وتقبل اي اجابه وتحط الدرجات قدامك انا الحمدلله درجاتي كامله
بعد المقابله عطتني ورقة حضور ورحت غرفة التدقيق وعطوني اربع اوراق وحده الكشف ووحده التعهد وثنتين مدري ايش المهم يعلمونك وش تعبين فيهم ويعطونك ورقة الكشف تختمينها من ادارة التربيه للبنين وتروحين تسوين الكشف
قالوا محايل يخلصه بيومين وابها بيوم
واللي تبي تاخذه لمنطقتها تكشف وترجعه عادي بس خلال اسبوع
طبعا سألتهم عن تعهد اجازة الامومه قصدهم اللي تطلب سنه امومه ممنوع بس الشهرين من حق اللي تكون والده عادي وسالفة ان 3 سنين مانطالب بنقل مو صحيح تقول الغوه
اتمنى اني افدتكم وموفقين يارب
بليز اللي عندها معرف بسعودي انقلش تنقل موضوعي لتجمع البنات اللي سوو مقابله
افادوني كثير الله يجزاهم خير ويجزاكم