اقتباس:
المشاركة الأصلية كتبت بواسطة lelon
السلام عليكم ....
ياحبي لكم يابنات الحوطة كم سنة انا رايحة وجاية من الرياض للحوطة مرت السنوات بحلوها ومرها
وجانا نقل ولله الحمد ..
اول شيء كل المتعينات هنا راح يكون تثبيتهم بالنائي لانه الحين فاضي بعد من نقلوا منه العلمات
والنائي بصراحة تعب ما يعلم فيه الا ربي ما ابي اضيق صدوركم بس هذا اللي شفته بالسنوات اللي مرت علي ...
نائي الحوطة يبعد عن الحوطة حول 100 كيلو والي بنائي الحريق تنسى انها تروح وتجي من الرياض للحريق لأنها صدق بعيدة تبعد عن الحوطة 200 كيلو
واذا على النقل فيه كذا مؤسسة تدخل برك منها الشموخ و مؤسسة ابو عمر وفيه سواقين خاصين يمكن 2 بس يشتغلون لحسابهم وعلى فكرة انا من الدفع اللي دخلت هالمؤسسات طريق برك وي زميلاتي بنفس الدفعة الله يدكرهم بالخير ولا برك اول مايدخله الا اهلها وي الخرج اما الرياض مستحيل وفي عام 29 -30 لم تعينت دفعة كبيرة وخصوصا اكثرهم من اهل الرياض كلمنا كم مؤسسة عشان يطلعون فانات وانهبلو قالو صاحين انتوا تقطعون 250 كيلو رايح و250 كيلو جايين يعني 500 خخخخخخخخخ مغامرين صح بس لم شافوا المبلغ يستاهل طلعوا لنا فانات
كل وحدة تدفع 2200 ريال قوية ههههههه واللي ابعد مثل الحيانية والنهيتية لأنها تبعد عن الحوطة 130 كيلو ياخدون عليهم 2500 ريال
وبعدين في النائي شددوا التوجيه عليهم بشكل خيالي اكثر من وسط الحوطة ...
اول ماتعينا 29 نطلع من المدرسة 9.30 ونوصل البيت 1 وبعدين خربوا علينا التوجيه كل شيء لاتطلعون الا 12 عاد احسبوها كم نوصل لبيوتنا بالرياض
والفجر من 3.30 انتي لابسة عبايتك بتركبين الفان وبتوقفون تصلون الفجر بالطريق يا الدلم يا عند تفتيش الرياض ويالله مشاوير الين ربك يفرجها وتنقلين
والأفضل يابنات تدورون لكم سكن اريح نفسيا وبدنيا
وأي استفسار انا حاضرة لكم باللي تبون ....
|
اختي الله يرضى عليك انا عطوني الرغبات الحوطه والحريق ووادي برك و الربوة والمليحات
اذا تفيدينا كم تبعد هذي المناطق عن الحوطه ؟
وهل كل منطقه منها تتبع لها قرى وهجر مثال مثلا وادي برك هل يتبع له هجر والا هو قريه بحد ذاته ؟
احس اني تفلسفت في الاسئله 