اقتباس:
المشاركة الأصلية كتبت بواسطة االجوازات
الله يبيض وجهك ويجزاك خير ويكثر من امثالك
مشكووووور يالغالي مااااقصرت وفيت وكفيت
الله يعطيك العافيه ان شاء الله  |
لا شكر على واجب تستاهلون من ينصحكم
وتمام انه فيه وقت عندكم بين القبول النهائي والتحضير
عساس الواحد ياخذ احتياطاته احنا ماكان عندنا الا 3 ايام
مايمديه الواحد يحك راسه لكن الحمد لله على كل حال
وبالنسبه لسؤال الاخ عن الضباط
إن شاء الله انهم كلهم ذو اخلاق فاضلة ولا نزكي أحد
لكن حطها ببالك انت في دورة عسكريه لاتستنى طيبه ولا معامله جيده جداً من أحدهم
لأنها بصارحه مو مكانها ماينفع مع بعض الطلاب الا الدق والكرف عشان يتأدب
لكن خلك مسالم ولا ترد على احد حتى لو حسيت بظلم وأرضى باللي يجيك
هذي العسكريه ياصاحبي
ومع ذلك فيه ضباط تستحي تتطالع بوجهه من أخلاقه العاليه واحترامه للطالب حتى ولو أخطأ
أترك التعرف عليه في ال45 لكم .
موفقين يارب .