مرحبا اخواني.

أنا من المتقدمين أجتزت الاختبار والمقابلة الشخصية بقي لي مقابلة وزارة الخارجية. بس الصراحة انصدمت من عدة أشياء !!

مادري عن بقية المتقدمين. أنا موظف في القطاع الخاص براتب جداً كويس الحمدلله لكن مافيه استقرار وظيفي بكل بساطة. بس حسيت الراتب والمكافأة فعلا استحي حتى اقول لأحد أني قدمت لها !!

1500 ريال 10 شهور تدريب. نقول معليش تدريب وخير ان شاء الله بعدها وظيفة احسن ! الكارثة بعد التعيين الراتب 5555 ريال فقط واخصم منه التقاعد !! وبتقعد عليه سنتين او ثلاث لين يرسلونك برا! واذا ارسلوك برا وقتها تستلم بدل التمثيل وبدل السكن تقدر تسمي راتبك فيها انساني !! ولا تنسى وقتها تحسب غلاء المعيشة برا لازم تنهش في وضعك المالي ولا ادري اذا كانو الملحقين يقدرون يوفرون اي شيء برا!

أنا حريص جدا وعندي الرغبة في الخارجية لانها مثرية ثقافيا وفيها احتكاك بدول ثانية وتجربة العيش في الخارج وغيرها من الاشياء الجميلة لكن الارقام والرواتب تقول عكس كذا !! شكلها اني بستمر في شركتي احسن لي بالرغم من الدوام الطويل لكن مادياً جداً كويس على الاقل اللي تقدر تسويه في سنة في الخارجية تسويه في 3 شهور وأقل!

حافز يعطي 2000 ريال للعاطل و تدريب شركة الكهرباء يعطون 2500 فترة التدريب للثانوي والدبلوم ! والجامعي يجي الخارجية يتدرب ب1500 !!!

انا حريص على الاستقرار الوظيفي بس هذا اسميه مجاعة وظيفية للأسف !! ياليت الشباب اللي تعينو ولا توظفو يحكو لنا عن تجربتهم .