ماتضيق الا وربك يفرجها
كل مااملك هو الدعاء ان الله يرزقك من حيث لا تحتسب
وان شاءالله ربي بيرزقكم بيت ملك عاجلا غير اجل
حافظ على فروضك والوتر واستغفر والله كريم
وتذكر ان اللي تمر فيه اختبار

بقولك شيء صار معنا زمان لما كنا صغار ماكان عندنا سياره مع انه احنا اكثر من 9 اشخاص
بس الحمدلله البيت ملك
بس مانقدر نطلع ولا نروح ولا شيء اهم شيء الاشياء الضرورية مثل شغل الوالد او المستشفى طبعا تكاسي
حتى انا واخواتي نروح للمدرسه مشي وهي بعيده شوي عن بيتنا ويفصلها عن بيتنا ثانوية اولاد وتحصل لنا مضايقات وفيه تفحيط يعني لما نرجع الظهر نكون في رعب الحمدلله تخرجنا ودخلنا جامعات واختي تخرجت وتوظفت الحمدلله وانا لسه طالبه تغيرت حياتنا 180 درجه كله بفضل الله ثم بفضل اختي الله لا يحرمنا منها هي كانت سبب في هذا التغيير لكن من امر بتغيير حياتنا هو الله سبحانه وتعالى اللي رزقنا الصبر والهمه العاليه مع الاستغفار واخلاص النيه
كنا بدون سياره والحمدلله الحين بدل الوحده ثنتين

انا جربت المعاناه والفقر والحاجه ولسه بعاني بس تحسنت الامور كثير
الدنيا امتحان وابتلاء نحمد ربنا انه ماامتحنا في صحتنا
دام الانسان سوي وصحيح ومتعافي يقدر يسوي المستحيل بالهمه العاليه بعد توفيق الله
اسال الله العظيم ان يفتح لك ابواب الرزق والسعاده في الدارين