اقتباس:
المشاركة الأصلية كتبت بواسطة يوم الواسطة
 احد ارسل علي بنق 
النتايج وين ليه ما نزلت
والله لي ساعتين وانا مخي ضربت الفيوزات الى الاخير رجال شرواكم اعرفه من الرياض اليوم اتصل علي قال تجي بكرة او بعده فيه وضيفة لك بالمالية وعلى المرتبة
يا عيال وش السواة اخذ المدنية ولا المكافحة على اني متعلق بالحيل بالمكافحة بس بعضهم يقول المدني افضل  ابي نصيحة منكم معنوياتي بدت تطلع وترتفع |
ترا مهما احد خيرك ترجع لرغبتك انت وقناعتك
الوظيفه المدنيه معروفه مريحه تداوم الصباح وترجع الظهر واجازه خميس وجمعه وحتى العسكريه صار دوامهم فله بعضهم يستلم يوم ويسلم يومين يعني يداوم بالاسبوع ثلاث ايام
وبعضهم يداوم كل ثلاث ايام على حسب عدد الافراد والتنسيق بين الافراد وبعضهم زي الموظف المدني بذات اذا كان تخصصه اداري او مكتبي يداوم مع المدنيين من الصباح للظهر واجازه خميس وجمعه والاعياد
اما الراتب فالعسكريه اعلا بكثير ياعمي شفت راتب الوظيفه اللي انت بتدخلها بالماليه المخدرات زيها بس دبل
اذا المدرس توه يتعين وكمان شهاده باكالوريس اول راتب 6200 وانت تضرب جندي اول 8000 الاف وكسور من غير الدورات اللي بتفيدك والعلاوه السنويه ولو تكمل جامعه احلا واحلا كملها شوي شوي بس بعد سنه من دوامك عشان تحصل عليها بدري وتفيدك بالترقيه سريع سريع
ع العموم انت استخر ربك وشاور ابوك واهلك واقاربك ذو العقل الراجح مو واحد مهوي 
واتمنى لك التوفيق ياااارب
بس كلمه اخيره ........ لاتدخل شيء الا وانت مقتنع فيه وترغبه او رغب نفسك فيه عشان تنجح فيه وتكون همتك كذا
........