اقتباس:
المشاركة الأصلية كتبت بواسطة قوة الطواري
كلامك وتفكيرك سليم ان جت جت وان ماجت الوظيفه تكمل دراستك ذي
وبيني وبينك الدراسه هم وقلق بس وش نسوي وانا اخوك مالنا وظيفه الا بها
اقدر ابصم بالعشره انو اللي يدرسون مو حب بالدراسه والعلم بس عشان الوظيفه
اما العلم اللي يبيه بيلاقيه بدون مدرس وكليه
اما همك للزواج تره شي مشرّف وانا يعجبني اللي يفكر زيك اقصد بالوظيفه والزواج هذا يدل على انسان يبي الستر والاستقرار والمتعه الحلال ويعف نفسه
ادعيلك من قلبي ياشيخ ربي يفتحها بوجهك ويجعل التوفيق من حظك وين مارحت ويسهل كل صعب بطريق حياتك ويسخر قلوب عباده لك
قولو امييين ياشباااب لجل تقول الملائكه ولك بمثله
|
والله اني مادخلتها الا عشان اسكت الناس وعشان اهلي يحسون انه في شي مشغلني
والا انا والله ماعندي سااالفه في الدراسه
واما الزواج تصدق ماكان في بالي ابداً الا قبل شهرين مسكت معي اني اخطب
والله وكلمت الوالد والوالده قلت لهم ابغى اخطب بنت عمي قالو خير توظف اول شي وبعدين
قلت انتم اخطبو لي الحين والله بيسرها
تخيل يوم ردو اهلها ان البنت وافقت حسيت ياخي اني غير عن اول صرت ثقيل شوي ههههه
حتى نظرة اهلك واقاربك تتغير يحسون انك عاقل مو مطفوق وداشر زي اول
وحط في بالك اذا نويت الزواج بنية صادقة ان الله بيفتح لك ابواب الرزق والامور اللي تعينك على ذلك
واسال الله لي ولكم والتوفيق