الحمدلله اللذي بنعمته تتم الصالحات

نبدأ بسم الله،،

/

لغة إنجليزية - الطائف - مرحلة التوجيه ابتدائي
موعد المقابلة: السبت 1433/7/12 - الساعة: 9 - اللجنة الثالثة
..
طلعت من البيت 7:24 وتوجهت للإدارة
ربع ساعه وانا هناك..دخلت توجهت لطاولة موجود عليها اوراق حضور..وقعت حضوري..
وقالت لنا الموظفة انتظروا شوي..باقي بعض الموظفات ماشرفوا...بالذات لجان المقابلات..
جت الساعه 8..نادو اللي مقابلاتهم هالوقت..وتوجهوا لنفس الموظفات..طلبوا منهم يكتبوا اسماءهم ع الملف الشفاف..وطلبوا منهم يدخلوا لقسم المطابقة
ثلث ساعه..الا تجي موظفة..تسأل اذا فيه مرشحات في اللجنة الثالثة...مالقت احد..واستدعتنا
دخلنا المطابقة...وبصراحه من هنا بدت ( المرمطة ) مسؤولة اللجنة الثالثة...ماكانت موجودة..مشغولة مع قريبتها تساعدها بتخطي الاجراءات
وحنا ننتظر حضرتها تشرف...وباقي اللجان يجون ويخلصون..وحنا مكانك سر...ومافيه احد راضي يتعاون معنا..
المهم على تقريباً 9...جت الله يصلحها..اطلعت ع اصل الوثيقة وبطاقة الهوية الوطنية...ووقعت..وسلمتني ورقة حضور مقابلة شخصية..
توجهت ع اللجنة مباشرة...مع الانتظار شوي...الا تطلع مشرفة الانجلش باللجنة الثالثة...طلبت تخصص الانجليزي...الا البنات مترددات يدخلون...وتليقفت وقلت اناااااا
كانت مقابلتي معها فقط..وكانت جيدة...مع انها من النوع اللي يلف ويدو ويبحث عن اجابة وحده...ماتبي الا اللي براسها..
اول شيء اخذت الورقة مني...وعطتني ورقة..وقعت وبدت مقابلتها...بس طبعاً كان يتخللها مقاطعات كثيرة...وهذا اللي اثر على سير مقابلتي
المهم سألتني اول شيء..تحدثي عن نفسك...وعطيتها كم جمله..وحنا واقفين هههههههههه ازعجونا كل شوي وخري نبي نمر..يروحون مدري وين
واصلا واضح انها مو قادرة تركز باللي اقوله...تعيد السؤال كأني ماقلت شي
بعدها سألتني..عندك خبرات وجاوبتها
اخر شي..وهو اللي رفع ضغطي...
سألتني عن سياسة التعليم في المملكة بشكل عام..تكلمت مع اني مضيعة..بالذات اني اساساً ماطلعت على هالنقطة..خرفت من راسي..واذا كلجت ابتسم هههههه
ثم ربطت اجابتي..بتعليم الانجليزية...وايش هدفك كمعلمة..
انا بصراحه تعبت لين اوصل للاجابة اللي هي تبيها...
بعد قلت لها اللي عندي وبمساعدتها ..فاجأتني بعدها لما قالت لي..يلا عيدي ههههههههه
انا جتني الضحكه..اعيد واضحك..شوي الا تجي وحده وتقطع كلامي
ماكتفت باللي قلته...قالت عيدي
عدت وبتركيز شديد على النقاط اللي تبيها بالاجابة...والحمدلله ارضتها
اخر شي قالت...Don't forget this story
قلت اوووووووووووووووووعدك وعد هالقصة مستحيل انساها وأذكرك فيها بحول الله
وأخيراً شفت ابتسامتها..
عطتني ورقة الكشف وبيانات المتقدم..ووقعت لي ع ورقة حضور المقابلة..
طبعاً المقابلة كلها بالانجلش

بعدها توجهت لمكتب الاستاذة/ مها..وهناك أدخلت بياناتي عندهم بالحاسب...وقالت لي خلاص روحي سلمي اوراقك ورتبي ملفك
رحت الا اشوف الصالة زززحمة...بصراحه تشاءمت خخخخخخ
وهنا بصراحه الحوووووووووووووووووسه صارت
رحت واخذت ورقة مسوغات التعيين..سلمتني ورقتين..اصل وصورة
وسألتني اذا عندك خبرات...وعطتني ورقة اجاراءات الخبرات..او اسم شبيه..المهم تخص الخبرة
رحت وعبيت بياناتي..وبعدها بديت ارتب الملف..بحسب اوراق هم ملزقينها ع كل طاولة..
طريقة ترتيب الملف...من الجهة الشفافة...ناخذ ورقة لمسوغات التعيين..بعدها ورقة الخبرة اللي عبيتها..ثم شهادة الخبرة..صورة بطاقة الهوية الوطنية..ثم الوثيقة..ثم صورة السجل الاكاديمي..ثم طلب موعد المقابلة...ثم بيانات المتقدم..واخيراً اثبات المطابقة اللي اخذناها..
هذي ندبسها بالجزء الشفاف..
من الجهة الملونه...بنفس الترتيب ناخذ الاوراق..ونخرمها ونثبتها...
بعدها ناخذ نسخه ثالثه بنفس الترتيب..وندبسها بروحها..

طبعاً انا واجهت صعوبة بالترتيب..لانهم اساساً النماذج اللي حاطينها فيها اغلاط..ثلاث مرات نرتب ونفك
المهم انها عدت...
بعدها رجعنا لمكتب الاستاذة مها..واخذت ورقة الرغبات..عبيت رغباتي ع السريع لأني اساساً محدده كل شيء معي بورقة
سلمتهم الرغبات..ووقعت لي وختمت على مشهد الحضور...والكشف الطبي.. وبسسسسسسسسسس
..طلعت من هناك ع أذان الظهر...دوام رسمي كامل
ورجعت البيت... << احلفي

طبعاً باقي لي الكشف...

هذا اللي صار معي بالتفصيل الممل بالمقابلة

أدري فيه كثير ممكن يملوا من الهذرة..

بس لأني عانيت قبل المقابلة وتمنيت كثير يخبروني بالتفاصيل الدقيقة..وماقصرت اخت بمنتدى اخر اسعفتني الاربعاء بشيء من تفصيل

اقل شي يكفي انها وضحت لي الصورة العامة..

عموماً هذا اللي صار لي كمقابلة انجليزي..

قريبتي..اقتصاد..طلعت من المقابلة تقووووووول صصصصصعب...استجوااااااب مو طبيعي
مع انها كانت بنفس لجنتي...لكن مشرفتها شكلها دقيقة
وعلى فكرة كل الاقتصاد كذا قعدت لهم مدري وش تحس

بنهاية ردي اتمنى اني كنت خفيفة عليكم <<< اييييه هين الا ثقل جبل

بالتوفيق للي باقي ما أجروا مقابلاتهم..

ربي يوفقهم ويفتح عليهم..

حسبنا الله سيؤتينا الله من فضله..إنا إلى الله راغبون
اللهم رحمتك نرجو فلا تكلنا إلى أنفسنا طرفة عين
حسبي الله لا إله إلا هو عليه توكلت وهو رب العرش العظيم
سبحان ربك رب العزة عما يصفون..وسلام على المرسلين..والحمدلله رب العالمين..

نووووووووم الهنااااااا يا أأأأنااااااااااااااااااا