[align=center]
البنات اللي طبعوا الكشف الطبي وسووه
انتوا من اي منطقة ؟؟ << سؤالي بس هههههههههههههه
أنا طبعت الكشف من النت و سويت كل الفحوص ومن الجبيل قالوا لي فحص المخدرات ما نسويه عندنا تروحين تسوينه بمركز السموم بالدمام
واروح ادق عليهم استفسر ترد علي وحدة وتقول بس انتوا بمركز اللياقة قلت لها انا موجهه من خارج الشرقية ولي حرية الخيار وين اسوي الكشف
قالت لي طيب تعالي بكرة
واروح لهم بكرة الصباح وادخل ويقابلني موظف الاستقبال ان احنا هنا ما نسوي التحاليل الا للرجال وبورقة معينة ووراني اياها وقال لي روحي اللياقة
رحت اللياقة تطالع بالورقة وتقول مو مختومة ما اسوي لك << بنات هنا ملاحظة ترى تكون نتيجة التحاليل أدق بوجود الختم ومن غير الختم يمكن ما يشوفون كريات الدم الحمراء أساساًً
من هنا من هناك ما رضت سألتها كم تاخذ نتيجة التحاليل تقول اسبوعين
المهم قالت تبين موعد قلت لها اوكي 15 /7
واساساً انا مسافرة ولا في احد يقدر ياخذ النتيجة من الدمام يوديها للطايف
المهم رجعت للجبيل اقول لها طيب حطي صح بس خلي تحليل المخدرات اسويه في الطايف
قالت لا روحي الطايف هم يحطون لك الصح "." بعد ما يخلصون
قلت اسويها في الطايف بإذن الله
بمستشفى الملك عبد العزيز او الملك فيصل ؟؟ << وش اسرع واحسن
المهم الحين عندي مشكلة
الفحص بعبد العزيز ياخذ يوم وبفيصل ياخذ # ايام بكلا الحالتين من ياخذ الفحص يوديه لان مالي نزله ثانيه للطايف ؟؟

احس متوهقة بهذا الشي ودك لو الشرقية يسهلونها بس
المهم قولكم لو اشوف وحدة تسوي الفحص معاي بنفس الوقت اعطيها الورقة اقول لها توديها معها والا قلة حيا ؟؟؟ << هذي اللي تبي تحلها بأيتها طريقه ههههههه

الله يفرجها ويسهلها

الزبده كلها السؤال المهم الحين الورقة مختوم عليها تحليل الدرن والاشعه اوكي , ونتيجة التحاليل معاي
لو اروح الطايف يختمون لي على نفس الورقة واروح للمستشفى اسوي تحليل المخدرات بس ويتعمدون هم على التحاليل اللي سويتها بالجبيل عادي والا يقولون لازم يسحبون دم بنفسهم ؟؟

واللي سووا تحاليل بمستشفى الملك عبد العزيز ينصحوني أروح لها والا اروح الملك فيصل ؟

<< طولت عليكم من جد كل هذا من الوهقة
[/align]