ما بين أحلامي ورغبة أبيك وأمنيات الطيش ،
وصلت ب لهفتي عندك ولا دقيت لك بابك !
أخاف إن لامست يدّي هالباب يصيح لي ب شويش :
رحل ماعاد يفتحني ترى كله .. من أسبابك !
وأجمّع مابقى مني« ضياعي ، دمعتي مع ليش »؟!
وأقول اللي أخذ وصلك مصيره يتلف أعصابك ،
تعال : الحق قبل طيرك ينتّف مابقى من ريش ،
تعال : انشر دفا صوتك سكينة واعتق غيابك !
تعال: ابذرني بِ يدينك وصال , وضحكه , وتطنيش،
كِسَت ْوجهي تجاعيد الحزن وأسرفت ب عتابك ..
يحاصرني بَرِدْ بُعْدك وأحسّ ب داخلي تشويش ..
ضياع , وفلسفة ضيقه , وصمْتٍ ملّ يغتابك !
تصدّق صاح لي بيتك : أردد إيش والا إيش ؟!
غبار الفقْد يخنقني مُصيبة هَجْر أحبابك،..