السـلام عليكم ورحمة الله وبركاته ..
يا أخوان انا اليوم ارسلوا لي جامعة حائل رسالة يقولون فيها :
عزيزي المتقدم تم قبولك لوظيفة (سكرتير م5) يوم الاربعاء 23/7/1433 هـ الساعة 4:30 في كلية الحاسب الآلي (كلية المجتمع سابقاً) - طريق القصيم .. 
المهم ماعلينا , 
السؤال اللي يتشابط ويتطارح مع نفسه / هل انقبلت خلاص , ولا فيه حوسة قدامي !
سؤال آخر / الوظيفة حكومية ولا شبة حكومي , عقد وقلة حياء ! 
والدوام في الجامعة من كم لـ كم !؟ 
الله لا يهينكم , ابي احد يفيدني مالها داعي اروح لحايل وأمحطها 600 كم , واخرتها مااستفيد شيء ! 
مع العلم اني موظف شبه حكومي في وزارة , ولله الحمـد ! 
لكن لا مانع نرجع لديرتنا الحبيبة " حائل " 
وفقكم الله , ويارب مايصير فيها واسطات وكلن ياخذ نصيبه من هالوظائف وربي يسهل اموركم وامور كل عاطل ..
" نصيحة مجرب " : يا أخوان في برنامج طاقات اللي هو تابع لحافز ولوزارة الخدمة المدنية , تراه وربي رهيب ويوظف ويظمن لك وظائف خلال اسبوعين !
فيه اصدقائي راحوا لـ طاقات اللي في حائل , يقولون شايفين انفسهم وتعاملهم متدني ، ولا يوظفون وانا مادري عنهم ..
لكن عن تجربة أنا جربت طاقات اللي في كلية التقنية في الرياض , اسبوع واحد وأنا متوظف بوظيفتي ولله الحمد الشبه حكومية ..
نصيحة مرّوهم مانتم خسرانين شيء ..