المشاركة الأصلية كتبت بواسطة عبدالله آلظفيري

المشكلة الكل يسئلني هالسؤال
لكن هناك اسباب وهي
انا عمل في الشركة بوظيفة مو ادارية يعني عامل تركيب انابيب و الوظيفة نفسها
فيها شيل وحط
وثانيا الراتب هذا شامل الافرتايم و بدل السكن وبدل غربة وبدل دخول منطقة البحر والخطر
يعني لو مافيها بدلات كان استلمت 5500 فقط و شيل منهم التأمين يعني خمسة وفيها
انا عن نفسي حبيت العمل في هذا المكان لكن انك تشتغل سعودي بالحالك والباقي
هنود فلبينيين و غيرهم هذا يبغاله صبر و قدرت تحمل
و في اشياء ثانية الحسد الي في الفلبينيين هو الي يدفعني اني اطلع من الشركة
و الزيادات السنوية ماتجي لي اما الي مايهتم تجيه
انا يوم طلع اسمي استشرت الشباب الي في الشركة انصحوني اني اروح الحكومة
لانه الشركة محققه خسارة كبيرة

وخلاص انا الحين خدمت في القطاع الخاص الحين جاء وقت اني اخدم في القطاع العام
والاهم اني استفدت من القطاع الخاص تعلمت انجليزي و الان اخذت فكرة عن كيفية التعامل
مع الموظفين و حتى فكرة كيف ادبر حياتي

انا بعد ماتخرجت قعدت في البيت 7 شهور بلا عمل وبعدها اشتغلت في القطاع الخاص 5 نسوات وتسع شهور احس اني عانيت كثير وراح اكتب قصتي في المنتدى بعد ما اخلص اجرائات الحكومة
من اول ماتخرجت الى معانتي مع القطاع الخاص وانا اعتبره نجاح لي في الشركة لاني بديت براتب 2000 ريال واخصم التأمين يصير 1820 ريال بوظيفة عامل وانا اداري