[align=right]


أخوي الرآبحون،
أول شيء الله يجزاك الف خير على كل حرف كتبته يالآميـر
وألله لا يهينك على هالتقرير وعلى الي تقوم فيه وتنزيل الصور جهد ولأ أروع وعسى ان شاء الله لك في كل ماتقوم به اجـر
ولكن لأ تقوم وين "ألرجال" كلنا والله ريجيل ونبي نشتغل ولأ دخلنا هالقسم بالذات "قسم المشاريع والافكار"
ألا والله نبي الشغل ولكن لكل شخص ظروف!! أنت توك تقول أقل من خمسين الف ماتقدر تستورد بضاعات!! فـ لأ تقول ولا الريجيل وتربط الرجوله بالفلوس بكلأمك هذا
كلنا فينا همه وفينا فكر وندري الي بسوقنا في السعوديه ينشرى ب الهلالات مثل ماتقول !! ولكن أنا ماني قادر ادفع حق سكن وتذاكر وغيره وغيره من المصاريف عشان اروح أتقضى من الصين؟!
كن واقعي شوي، ولإ والله لو رجعت لي فيني همه وفيني فكر وأبي، ولكن كل شخص وظروفه
وعسى الله يوفقك يابعدي حبيت أنبهك لأني اشوف في كل حلقه تقول وين"ألرجال" !! وأذا عندك حل أو فكره بسيطه أفدنا فيها ولك دعوه بظهر الغيب
وألله لا يهينك يابعدي[/align]