اقتباس:
المشاركة الأصلية كتبت بواسطة نايف خماش
شكرا وبارك الله فيك اخي الكريم اعتقد انك مافهمت وش اقصد بسؤالي
اذا كان المبلغ 100000 ريال او اكثر هل اخذ المبلغ نقد او وش الطريقه في التعامل ياليت تشرح لنا هالنقطه
الله يرزقنا وياك ووالدينا الفردوس الاعلى من الجنه
|
اخوي نايف
اولاً الريال السعودي ما ينتفع هناك ابد ابد ابد
اللي ينفع هو الدولار الامريكي او الريممبي الصيني فقط
وانصح الجميع لا تاخذ معك مبالغ كبيرة ((( لانك بتبلش بالفلوس وتمشي وانت متخوف على نفسك وفلوسك وكل شوي وانت تلمس جيوبك 
)))
خذ معك مثلاُ 10.000 دولار ربطه واحدة في جيب الجكيت ولا احد يعرف عنها شي لان المهايط حق السعوديين المحفظة والبطاقات كلها بتتركها في السعودية هناك ما تحتاجها ولو اخذتها بتبلش بها ما لها داعي كل اللي يهمك هو الجواز فقط (( واصلاً ما احد بيسئلك )) الا الفنادق
وكل غرفة موجود فيها خزنة بتحط فيها فلوسك وتاخذ مفاتيحها معك واذا كانت ارقام ستغير الارقام السرية القديمة بارقام سرية جديده ما يعرفها الا انت وبعدين اذا بتسوي اوردرات ( طلبات تجارية ) من احد المصانع انت لان تدفع الا 30% او 20 % من قيمة الطلبية والباقي عند الاستلام
لانك ستسافر الى السعودية ومكتبك سيتولى الباقي
وسنتطرق لذلك في طيات التقرير
ولكنكم قوماً تستعجلون - ان الله مع الصابرين
لان هذه الاشياء الشحن وغيرة هي اسهل شي في الاستيراد
الصعب هو التفاوض و تحديد الجودة
ياصاحبي
ابشر بالخير