بحكم تجربتي معهم يبيلها واحد باله طوييييل وقت التقديم وبالذات اللي خارج الرياض وبعيد عنها

لأن السنه اللي راحت قدمنا في رمضان وهجوله ولطعه بالشمس مع الصيام وروحه ورجعه وخساير

وفالنهايه بعد سنه دخلوا الشباب الدوره وأستبعدونا بسبت المسح الأمني اللي ماحد عارف طريقته

ماعلينا من الهجوله واللطعه لاكن اذا كل شي أوكي الحمد لله والمشكله في المسح طيب قولوا لنا ايش هو المسح

عشان نحل المشكله ونقدم مره ثانيه يعني لو كان له دخل في سما الواحد يروح يسددهم ويحل المشكله او مخالفات او غيرها

لاكن انكم تحطون موظفين ماهم داريين وين الله حاطهم لايفيدونا ولا شي عن المسح هذي مشكله كبيره

ولاكن رغم هذا كله أنصح الجميع يقدم لأنه قطاع ممتاز ويستاهل التعب لاكن أستعد للهجوله من أول يوم

وأسئل الله انه يعوض اللي ماأنقبل مثلي من السنه اللي راحت بأفضل منها

والله يوفقنا وياكم