اختي سديم حسن حاولت ارد عليك خاص بس ما سمحلي فبضطر اني ارد عليك هنا
طبعا انا تخصصي تربية خاصة اتصلوا علي السبت و بلغوني على المقابلة و شرح الدرس و بصراحة تفاجات ماتوقعت اترشح ابد و في نفس الوقت انحست لاني من الحسا و مافي وقت فتخيلي حجز قطار و روحة للدمام و اخوي هو اللي وداني الجبيل مشوار و تعب مو طبيعي لأنهم من بلغوني مانمت قعدت اجهز درس و غير كذا ووسائلي مو كاملة و حوسة الله لا يوريك
المهم و صلت الكلية على الساعة 9 رحت الادارة طبعا بدأوا المقابلات اول شئ قسمنا انا كان ترتيبي الرابع كانوا بيقدموني على اللي تأخروا بس بعدين جاو و انتظرت دوري طبعا اللي اجروا معي المقابلة كثيرين تقريبا 7 ماركزت على عددهم بالضبط و المقابلة كانت في مكتب العميدة الاسئلة توزعت مابينهم اول شئ ياخذون معلوماتك اسمك معدلك متى تخرجتي من اي جامعة زي كذا و لو عندك خبرات و دورات ممكن تتكلمين عنها يعطونك فرصة بعدين سألوني تقريبا 3 اسئلة في مجال تخصصي و من ثم خلوني اقرا من كتاب انجلش مقطع و اقولهم ايش فهمت منه و سالوني عن الحاسب و برامجه و الانترنت و هل افهم فيه و ايضا هل متابعة للاخبار العالمية و المحلية و سالوني عن الابتعاث و هل اقدر اني اكمل و ايضا عن السكن كيف بيكون وضعي شرحت لهم ايش انا مخططة عليه قالت ماتجين بعدين تقولين بنقل قلت لا ان شاء الله ايضا عن المواضيع اللي تحبين تقراين فيها و اخر كتاب قرأتيه امممممم تقريبا هذا كل شئ في المقابلة
اما شرح الدرس طبعا احنا ماشرحنا إلا متأخر لأن بدأوا بقسم الحاسب الشرح طبعا مختصر لان احنا تأخرنا كثير و العدد كبير اهم غلطوا مخلين مقابلات كل الاقسام في يوم واحد صعبة كذا يخلصون المفروض كل يوم قسمين حلو عندهم هالأسبوع كله بس شكلهم مستعجلين في شرح الدرس طبعا اللجنة غير بس تشبه المقابلة يسألونك عن معلوماتك و اكثر شئ يسألون عن طرق التدريس و الأهداف و كيف تتعاملين مع الفئة اللي تدرسينها طبعا انا جبت و سائل انبسطوا مرة لان مبين اني مستعدة شرحت لهم كل وسيلة و ايش راح تكون طريقتها بعدين قالوا خلاص و الحمد لله
عن نفسي انا في اشياء خطأت فيها يعني ماتستأهل و أغلبها في تخصصي بس ماانلام زين مني لاني في يوم واحد ضغطوني تحضير درس ووسائل و تعب السفر ماقدرت حتى استرجع إلا شئ بسيط بس الحمد لله على كل حال انا راضية باللي ربي راح يكتبه
و الله يكتب اللي فيه الخير و يوفق الجميع