سلاموووووووووووووووووووووووووووووووووووو اخباركم ياحلوووووووووووووووووووووووووووووووووووين اليوم كانت مقابلتي بابرق الرغامه >>>امانة جده موعدي كان 11 وجيت قبله بنص ساعه ومادخلت عليهم الا 12 وربع تمنيت اني سمعت كلام ابويا حبيب قلبي يقولي لاتروحي الا 11 وشوي اقوله لااا لازم الالتزام يضحك عليه لسى ماشفتي حاجه وجربتي الانتظاررر ههههههه >>>مجرب جوازات جده هههه ماالومه كانوا حرميتن حسيت براااحه لما ابتسموا وبشوشين وكيف حالك >>البدايه حلوه استلمتني الاولى <<<حرمه وماسكه اسئله ايش حتسوي ههههههههه اتكلمي عن نفسك >>>كل الي بقلبي قلته لهم ماهي صعوبات العمل ؟ كيف تواجهينها ؟ كيف تؤدي العمل ؟ كيف تعالجي ضغط العمل ؟ مين قدوتك بالحياه ؟ اختصاصات مفتشي العمل ؟ والان بدا دور الثانيه >>>سلم واستلم ماهي الاجراءات الي تعمليها لما تقومي بعملية التفتيش؟ ايش تكتبي بالتقرير ؟ ولمين تقديمه لو قالك صاحب منشاه اطلعي برااا ايش تسوي وقامت تضحك ههههه قهرتني قلتلها اطلع برا ههههههههههه طالعت فيني وهي تضحك قلتلها امزح وقمت اشرحلها ايش اسوي >>>ضحكتني بصراحه حسيتها فله كيف تتعاملي مع العاملين الي عندهم ملاحظات ؟ اذا كنتي باجازه وارسلك ايميل رئيسك انه تروحي تعملي جوله تفتيشيه تروحي ؟ اذا ماعندنا امكانيه نعطيكي سياره تفتشي فيها تقدري تستعملي مواصلاتك الخاصه؟ عندك مشكله بالاختلاط؟ قلتها الاختلاط انواع في اختلاط مثل بعض الشركات يكونوا بنفس المكتب هذا ارفضه بشده وفي اختلاط مثل البنوك يكون بالاجتماعات الشهريه فقط هذا اقبل فيه وانا بالاساس رااااااااااااااااافضه الاختلاط جملة وتفصيلا بس حبيت امشيها لاتطردني هههههه لاني سالت عن الوظيفه قالولي ابدا مافيها اختلاط وسالت ناس بيشتغلوا مفتشين انتي كواطنه سعوديه >>بصراحه خفت قلت وي الله يستر ايش رايك بفكرة ان البنات صاروا يشتغلوا بالمحلات النسائيه ؟ بعدين قالت عفوا حتى بكل المحلات؟وهل تقدري تتوظفي بمكان زي كذا ؟ قلتلها انا مستحيل اتوظف بمكان زي هذا لكن كفكره رائعه جدا اعطتنا اريحيه في التعامل ولق لق لق ههههههههه شرح طويل >>لكن تبغوا الجدد انا راااااااااااااااااااااااااااااااااافضه الفكره بتاتا ولا هي عاجبتني لو انهم اقل حاجه خلوها محلات نسائيه ومايدخلها رجال مرااااا حلو لكن ماشاء الله رجال وحرمه بنفس المحل > هذا هو الفساد بام عينه وكل شووي تتكلم عن الاختلاط ماخلت بقلبها تسالني عن التعامل وكذا وترجع للاختلاط تعبتني الصراحه وقهرتني شويا تقولي عااادي تفتشي باخر الليل قلتلها الساعه كم يعني قالت انتي جاوبي قلتلها بعد 10 ماارضى <<المحلات تقفل 11 مدري كيف جاوبت هههههههههههههههههههههههههههههههههههههه لكن مشي حالكم المهم خلصت وارتحت واعطوني فكره عن المقابلات الشخصيه صاحبتي سالوها لو صاحب المنشئه ضربك ايش تسوين هههه بالله عليكم هذا سؤال تقول من صدمة السؤال ههههههههههههههههه التزمت السكوت ماقدرت اجاوب خفت اقولها اجمع العيله وهاااتك ياضرب هههههههههههههههههههههههههه ___________________________ البنات الي مقابلاتهم الثلاثاء ( اخت صاحبتني موعدها بكرا يعني فيه لاتخافوا ولا تشيلوا هم الله ييسر لنا امورنا ويكتب لنا الخييييييييييييييييييير