السلام عليكم ورحمة الله وبركاته ,,

وصبحكم الله بالخير ..

والله يوفقنا جميع ..

انا اخوكم أحمد العنزي من حفر الباطن وخريج كلية المجتمع بالحفر تابعة للبترول .. وموظف في شركة بيكر هيوز العربية ..

كان اختباري في الظهران في تاريخ 28 مايو 2012 يوم الأثنين وفي نفس اليوم اختبروا اخوياي بالرياض اثنين خريجين التقنية ..

البارح واحد من اخوياي اللي اختبروا بالرياض دق عليهم وقالوا لهم فرع الرياض حنا ارسلنا رسايل للمرفوضين من امس ..

وباقي المقبولين والأنتظار طولنا عليهم علشان الفحص الطبي ..

يعني مستحيل يا اخوان الفحض الطبي كلنا بيوم واحد بنسوي زحمه كذا ..

لازم ينسقون الرسايل كل 10 اشخاص باليوم الفلاني ومن الساعه الفلانية للساعه الفلانية ..

علشان ما يصير تكركب ..

وانا قبل ساعه داق على مكتب الظهران ومكلمهم ..

قالت لي الموظفه على هاليومين ان شاء الله ..

وبالأول والأخير انا الحمد لله راضي سواء جاني قبول ولا رفض ..


اللي ابيه منكم يا شباب انكم تحطون شي واحد ببالكم ..

هذي الوظيفه او غيرها رزق من رب العالمين ..

وشي مكتوب لك من قبل لا تولد من بطن امك ..

اذا الله كاتب لك انك تدخل ارامكو والله لا الواسطه ولا ابو الواسطه بيقدر يمنعك لأن الله سبحانه وتعالى كاتبها لك خلاص ..

واذا ماهي مكتوبه والله ما تجي لو ايش ..

فا يا شباب روقوا وهدو الوضع ..

وكل واحد يدعلي ويخلي عجوزه تدعي له وان شاء الله خير ..

الى الأن الى هالساعه محد جاه قبول ابد ..

كله رفض رفض وهذا يأكد كلام صاحبي اللي اختبر بالرياض ..

وبالتوفيق للجميع ..





شطحه ..

حقين كلية الجبيل الصناعية وكلية المجتمع اللي عندهم دبلوم عالي ثلاث سنوات ونصف صحيح يدخل على قريد 8 ولا لا يا شباب ..؟