حلول البطالة Unemployment Solutions - عرض مشاركة واحدة - ((نقاش)) المتعينين على الوظائف الادارية في التربية دفعة 1300

عالمي وبس · #**3064** (**permalink**) 12-06-2012, 02:13 PM

اقتباس:

المشاركة الأصلية كتبت بواسطة السحا

بسم الله الرحمن الرحيم

اعتذر لكم عن انقطاعي في الايام الي راحت والله العظيم لكم وحشة..

بالنسبة لي خلصت جميع اجراءاتي قبل يومين من اوراق وفحص واما التوجيه للمدرسة دخلت على

مدير شؤون الموظفين واعطاني 3 اوراق فيها اسماء المدارس الي فيها احتياج المهم اغلبها بعيدة عن

البيت المهم فيه متوسطة وثانوية جنب بيتي سألته عنها قال هذي طلابها قليل يقصد الثانوية فقط

قلت له لا هذي متوسطة وثانوية مع بعض قال اوكيه روح للتخطيط في الدور الثاني اذا كان عدد الطلاب

في المدرستين اكثر من 100 راح احطك فيها واذا اقل اسمحلي ما اقدار اسوي لك شئ

المهم رحت التخطيط وسألت عن المدرسة طلع عدد طلابها 103

يعني لو نقص ثلاث طلاب رحت فيها

المهم وجهني للمدرسة المشكلة ياشباب المدرسة هذي الي تعينت فيها هي الي درست فيها

المرحلة المتوسطة والثانوية والمشكلة اني كنت مبزوط على الاخر خاصة عند المرشد الطلاب

تاريخي عنده مشرف

المهم اول مادخلت المدرسة دخلت الادارة واحصل المدير والمرشد

طبعا اول ماشافوني قالوا هلاااااا يااامرحبااااا

ويطالعون في الورقة الي في يدي المهم اعطيت

المدير خطاب المباشرة والمرشد جنبة وكانت هنا الصدمة الكبرى والمفاجئة هههههههه

ورحبوا فيه وقلت لهم صحيح كنت طالب عندكم وكنت مشغلكم وكنت موريكم نجوم الظهر لكن

الحين انا زميل لكم المهم ضحكوا معاي وصار المرشد يذكرني بشقاوتيوزحفي ايام الثانوية

دوامت الاحد والاثنين والثلاثاء وكن دوام خفيف مجرد سوالف مع المدرسين خاصة الي سبق

ودرسوني ونتذكر الماضي ونسولف عنه....

هذا ماحصل معي الايام الي راحت....

[align=center]

بالتوفيق اخوي السحا و بالعكس وجودك في مدرسه انت درست فيها يسهل عليك اشياء كثير بسبب معرفتك للاداره و معلمي المدرسه
واحب اشكرك على هذا الموضوع اللي لولا الله ثم هو ماكان عرفنا نتصرف

لك كل الشكر و التقدير و الاحترام

اخوك / علي الشهري
[/align]