أميييين وياك اخوي ريود والله يوفقنا كلنا ..

والله يا عيال كل شي قسمه ونصيب ..

انا والله موظف في شركة بيكر هيوز ولاعنين ابو خير خيري وربي كرف وبهدله وعيشة قشرا وفوق هذا مافيه اوف ويالله يالله اخذ اوف ..

اقل شي ارامكوا اربع ايام توف تروح تشوف اهلك وتسوي رفرش لنفسك ..

دقوا علي شركة معادن قبل ثلاث اسابيع تقريبا يا عيال وقالوا لي عندك مقابله شخصيةموافق انك تجي ولا لا ..

قلت لهم اكيد موافق ..

وهالكلام كان قبل اختبار ارامكو بأسبوع تقريبا ...

قالي خلاص الأربعاء المقابله ..

جاء الأربعاء ودقوا علي الصبح واعتذروا وقالوا لي أجلنا المقابلات كلها لأن محد رضا يجي للمقابله الا انت وواحد ..

فا نبي نجمعكم ونسوي لكم مع بعض ..

وجاء اختبار ارامكوا واختبرت ومر اسبوع واسبوعين وادق عليهم استفسر وقالوا لي للحين ما حددنا الموعد حق المقابلات وحنا ندق عليك ..

قلت اوكي ..

وبحكم ان شغلي في شركة بيكر هيوز الخايسه كله بالصحراء وبالبر عند حقول وابار النفط ..

جوالي هذاك اليوم كان مافيه شبكة ..

واثاريهم داقين علي معادن ولاقينه مقفل ..

ومسوين المقابلات ومخلصين ومختارين اثنين ..


سبحااااااااااااااان الله ..

رزق مو مكتوب لي وش اسوي ..

سعيت بأيديني ورجليني لكن الله مو كاتبها لي وش اسوي ..

برضوا انتم يا اخواني حطوا هالشي ببالكم والله لو انها مكتوبه لنا بتجي ..

ما اقول الا عسا الله يعوضنا الحين بأرامكو بدال معادن ..

ما ضلت الا هلي ..

ونقول ياااااااااااااااااااااااااااااااااااااااااااااارب ..



الى الساعة هذي الى الأن الأخبار زينه وتطمن بالخير الحمد لله ..

كل الرسايل اللي جت مرفوضه وتأكد كلام صاحبي انهم ارسلوا بس للمرفوضين ..

عسانا نكون من المقبولين وتفاؤلوا خيرا ..