[align=center]
الي يقول الاجانب مساكين ......الخ

أنا نص صديقاتي اجنبيات ونصهم بعد مو عرب

وصادقين معي في كل شئ و دائم يقولون لي الاجنبي لو فتح شركة او مصنع مايوظف الا من ابناء جلدته

مايوظفون سعوديين بس حنا للاسف زمان لو الواحد فتح محل وقفوا ضده
لو الوحدة اشتغلت في مكان محترم كله حريم كمان منعوها


ويقولون بعد رواتبهم السعوديين غالباً نفس رواتبنا ويمكن هم اكثر ( الاجانب)بحكمة انهم يعرفون انجليزي

وش ذنب السعوديين لما كان بمدارسنا ما يدرسونا انجليزي زي العالم والناس

هذا أول طبعاً





حالياً الوضع تغير جداً حتى اصحاب الشركات الغير سعوديين ماشاء الله تبارك الله الشركات اقل شئ 30% سعودي ولكن الاغلبية 70% سعودي

ولكن نجي في النقطة الاهم من هذا كله ال 5 % الاجانب المدراء بالشركات بغض النظر عن العمال


تلقى رواتبهم 50 الف وفوق مو محتاج يجيب اهله يشتغلون
وتلقى شهادته أقل من شهادة أخونا المهندس ( الي رد على الموضوع)


فمن هذا كله حنا ما نبي نطالب بالسعودة فقط في الوظائف ( الصغيرة)
نبي السعودة تكون في المراكز العليا

حالياً ترى حتى وضع الاجانب متأزم شوي وأغلبهم يروحون لبلدانهم

بس الي ابي اوضحه انه مافي دولة بالعالم توظف طلاب جامعيين في اعمال النظافة
حتى في الصومال


فالحل ببساطة كالاتي :
1- زيادة التخصصات الجامعية للطلاب ويفضل ايضاً تقليل قبول الطلاب في التخصصات الادبية المكتفئين منها مثل ( التاريخ + الجغرافيا)


2- توفر مراكز انشطة وتحفيظ للطلاب لتوظيف معلمين الدين فيه . ( يعني لانكتفي فقط في المدسة)

3- مراقبة المعاهد المهنية ومعاقبة المعلمين والمدربين الذين يخلون في الانظمة ويتسببون في هرب الطلاب من المعاهد.

4- زيادة عدد المعاهد المهنية لتوافق متطلبات المجتمع الاقتصادية.


5- تنفيذ خطة السعودة في المراكز والمراتب العالية .




دمتم في حفظ الرحمن
[/align]