أموت وينتهي عمري وحبك في شرايني..
هلابك تسبق اشواقي تعانق مسمعك وخطاك..
تعال وكحل عيوني ولوشوفتك تغنيني..
توسد نغمة اشعاري ترا بيت الشعر مركاك..
قصايد حبي الطاهر على بعدك تعزيني..
تفضل واشرب افراحي تعال وماتبي يفداك..
اسيرك وانتظرعمري احس ان القتل فرقاك..
تخون دروبي الخطوه اشوفك بس كيف القاك..
احس انك قريب حيل ولكن ويني ووينك..
بدور احساسي الصادق ضياها ينتشر بضياك..
تموت انواري لغيرك وتنساني عناويني..
يفوح من الزهر عطره ويبقا القلب مع ذكراك..
وهج ذكراك في قلبي بعد حبك يدفيني..
رهنت ايامي وعمري على شاطي بحور شفاك..
بكلمة تغرق افراحي وكلمة منك تحييني..
اسولف بك وغني لك احبك واعشقك واهواك..
نثرت اسمك على صوتي زهت بك روضة سنيني..
في ذكرى حبنا حاول تذكر عاشق يهواك..
وانا بحيا على الذكرى عسا الذكرى تواسيني..