اعتذر لك اخوي عاطل وللي الله اذا كلامي سبب لك احراج او زعلك
والله يخوي اني ابيك تمهل بالك اتعبت نفسك بالتفكير

ابعلمك شغله يتبعونها اكثر الناس اللي يقدمون

" قدم على كل شي و انسى الموضوع كله " بس اللهم انك تتابع المنتدى تشوف احد الاعضاء كاتب موضوع ان القطاع الفلاني اتصل عليه او جته رساله او شي زي كذا في الفتره اللي تقراء فيها الخبر امهل نفسك اسبوع و توصلك رساله من نفس القطاع

السالفه اذا بتتعب بالك في الحرس الملكي وخلنا نقول لا قدر الله لا قدر الله لا قدر الله ما انقبلت او رفض طلبك او قالوا الفرز بعد سنه وش بتكون ردة فعلك اذا انت متعب نفسك بالتفكير و قريت الخبر هذا اكيد راح تصير لك انتكاسه نفسيه سريع سريع

كل اللي اطلبه منك و اعلمك فيه انك ما تطب في مطب غيرك طاح فيه خذ النصيحه من غيرك

قدمت انا على المباحث و كنت راجي الله سبحانه و تعالى بالقبول و كنت متفائل ولكن ما انقبلت
قدمت على القوات الامن الخاصه وما انقبلت و قدمت على القوات الجويه الملكيه وما انقبلت

المباحث اثرت فيني لانها كانت اول تقديم و كنت متفائل بزياده بعدها قوات الامن و حسيت بالطفش شوي و بعدها الجويه ما طقيت خبر جلست اضحك يوم ما انقبلت ههههههههههههههه

يعني روق بالك و خل اعصابك في ماء بارد هذي عسكريه كل يوم لها وجهه مختلف عن اللي بالامس


اتمنى لك التوفيق و اسأل الله العلي العظيم ان توصلك الرساله اليوم قبل بكره و الله اني اتمنى لك الخير مثل ما اتمناه لنفسي يعلم الله بالشي هذا اني اتألم من داخلي اذا شفت احد مو مقبول في قطاع او ان الفرز فاته او رفض طلبه والله اني اتقطع من داخل قلبي على تعب هالشخص و شقاه و تفكيره قبل لا ينام و وش كثر تعنى و تعب بالاخير ماهو مقبول

و اقصد بالشي اللي فوق اللي هو الفرز النهائي يعني بعد الكشف الطبي و اللياقه و المقابله الشخصيه و و و الخ

اما اللي يقدم طلب و تجيه الرساله من بكره انه غير مقبول هذا امره يهون على الاقل جالس على الكمبيوتر ما سافر ولا طق مشوار و جلس الظهر برى ينتظر السرى حقه


على العموم وانا اخوك ما راح تأخذ غير رزقك و ربي يوفقك ان شاء الله وكل الاخوان الباقين ربي يوفقهم