اقتباس:
المشاركة الأصلية كتبت بواسطة نور الايمان يشع
مشروع رهيب والله مثلك ياعسل 
انا احب الطبخ وشاطره فيه
بس كم يبغاله رأس مال؟
وكيف احدد السعر ؟
متشوقه لموضوعك ياقمر 
وربي يسعدك ويوفقك وييسر امورك ويحفظلك زوجك وذريتك ويباركلك فيهم يارب |
يسعدلي ايامك ياقمر انت العسل يااصلي
راس المال تقريبا 100 ريال تشترين بها 6 صحون قسطير بغطاها تعرفيها زي اللي يجي فيها البروست لاتكثرين 6 تجيك مع بعض وسط وزيها صغيره حقت السلطة الحاره. او سلطة الزبادي. وكيس ملاعق بلاستيك. اشواك سكاكين ملاعق صغيره. خلاص.
اكتبي في موقعنا هذا اذاتحبي او موقع اخر موضوع هذا نصه:
طبخات لذيذه على يد طباخه ماهرة.<<لاتنسي تاثير الوصف على بني البشر
واكتبي القائمة تحت بعض كالتالي:
نفر سليق ربع دجاجه + سلطة حاره= 10 ريال او 12 حسب رغبتك انا حطيتها 10. وطلبت البركة من ربي
نفر مضغوط ربع دجاجه ..........
نفر شربة شوفان+ 5 حبات سمبوسه+سلطة حاره+حلى=25 ريال
يوجد لدينا جميع انواع الطبخات واصناف الحلى.
اذا عازمه ضيوف وحابه اجهزلك اطباق انا حاضره.
اكتبي القائمة ووريني هيه قبل تنشري الموضوع.
ذكرتيني بايام ماكنت اعمل هالمشروع كنت احس اني مبدعه ولي دور فعال في مساعدة الغير بالذات المساكين العزاب.
واذا حبيتي تستمري وتتوسعي في المشروع تطبعي اوراق وتوزعيها على مغاسل الملابس وتطلبي من العامل يدبس كل ورقه مع كيس الملابس وتعطيه عليها 10 ريال وحطي رقمك طبعا. واذا ماعندك خدامه تساعدك اضغطي ع نفسك الين يدخل لك مبالغ تقدري تجيبي لك خدامة لو بالشهر علشان تتوسعي
ربي يفتح عليك وعلى كل انسان يبغى يسعى ورى رزقه.