المشاركة الأصلية كتبت بواسطة الكوبرا الزرقاء

على حسب المدرسة
فيها مدارس تختبرك اختبار تحريري عن نفس تخصصك + اختبار قرآن
وتختارين اي درس تشرحينه لهم بكرا او السبت
والشرح ما يكون حصة كاملة لا تشرحين يمكن ربع ساعة بعدين يقولون لك خلاص وقفي
بعدين يقيمونك
اهم شي خلك ملمة بكامل الدرس وبداية شرحك يكون قوي
ولو جبتي معك اي وسيلة او عرض يكون أحسن
واستعملي السبورة لأن صديقتي انتقدوها على هالشي يقولون شرحك كله القاء وهذا ما ينفع
وخلك واثقة وكأن الفصل موجود فيه طالبات
واهم شي عندهم 1-شخصيتك وثقتك 2- ما يكون درسك كله القاء وممل لازم تستخدمين السبورة
وتكثرين الاسئلة والتقويم خلال الدرس يعني وانتي تشرحين بين كل فقرة وفقرة اسألي
وخلي البنات هم اللي يستنتجون المعلومات
يعني الطالبة تكون مركزة معك طول الوقت وتكون معلمة صغيرة في الفصل 3- جهارة صوتك 4- اللغة تكون فصحى سليمة
وتوكلي على الله والأمر مرة سهل ولا فيه صعوبة ولا شي والله يوفقك ويكون في عونك